မြဝတံမြို့ အမှတ် (၄)ရပ်ကွက် အာရှလမ်း AAA ကတ္တားချိန်ဝင်းအရှေ့ရှိတံတား ဘောင်အား နိုဝင်ဘာလ ၁၁ ရက်နေ့ ည၉နာရီ အချိန် မြဝတီမြို့ပြင် မြေနီကုန်းဘက်မှ မြို့တွင်းသို့ မောင်းနှင်လာသော မော်တော် ယာဉ်တစ်စီးသည် အရှိန်ပြင်းစွာဝင်တိုက်ခြင်းကြောင့် လူနှစ်ဦး သေဆုံးကာ လေးဦး ပြင်းထန်ဒဏ်ရာရရှိခဲ့ကြောင်းသိရသည်။
မြဝတီအာရှလမ်း ၊အမှတ်၄ရပ်ကွက် ၊ဒေါနပန်းလမ်းဆုံ AAAရှေ့တံတားတွင် မော်တော်ယာဉ်တစ်စီးတံတားဘောင်နှင့်တိုက်ကာ တိမ်းမှောင်သွားကြောင်းသတင်းအရ Z.Sescue လူမှုကယ်ဆယ်ရေးအဖွဲ့ သည် မော်တော်ယာဉ်သုံးစီးဖြင့် ချက်ချင်းသွားရောက်ကာ ကယ်ဆယ်ရေးလုပ်ငန်းများဆောင်ရွက်ခဲ့ကြောင်းသိရသည်။
"ကားက အရှိန်ပြင်းလွန်းတယ်ထင်တယ်။ကားထဲမှာ တစ်ယောက်ညှပ်နေတယ်။ ယာဉ်မောင်းပါ၊ ယာဉ်မောင်းကို Hydraulic Cutter ဟိုက်ဒရောလစ် ကတ္တာ ကယ်ဆယ်ရေးကိရိယာတွေ အသုံးပြု ဆွဲထုတ်ကယ်ဆယ်ခဲ့ပါတယ်။ အသက်ရှင်ရေးအတွက် CPR အရေးပေါ် ပြုစုကုသမှုများ ဆောင်ရွက်ခဲ့ ပေမဲ့စိတ်မကောင်းဖွယ်ရာ အသက်ဆုံးရံှုးခဲ့ရပါတယ်"ဟု Z.Rescue အဖွဲ့ တာဝန်ရှိသူကိုဇော် ကပြောသည်။
ယာဉ်တိုက်မှု ဖြစ်စဉ် ကြောင့် သေဆုံး ၊ဒဏ်ရာရသူများကို မြဝတီခရိုင်ပြည်သူ့ဆေးရုံကြီးသို့ အရေးပေါ်ကယ်ဆယ်ရေး ကားများဖြင့် အချိန်မီ ပို့ဆောင်ပေးခဲ့ ကြ သော်လည်း ဆေးကုသမှုခံယူနေစဉ် တစ်ဦးထပ်မံသေဆုံးသွားကြောင်းသိရသည်။
အခင်းဖြစ်နေရာသို့ မြဝတီခရိုင်၊ မြို့နယ်မှ တာဝန်ရှိသူများ၊ရဲတပ်ဖွဲ့ ၊ယာဉ်ထိန်းရဲတပ်ဖွဲ့နှင့် တိုင်းရင်းသားလက်နက်ကိုင်အဖွဲ့အစည်းများ၊Z.Rescue လူမှု ကယ်ဆယ်ရေး၊"အလင်းသစ်"လူမှု ကယ်ဆယ်ရေးအဖွဲ့ များရောက်ရှိကာ လိုအပ်သည်များကူညီဆောင်ရွက်ပေးခဲ့ကြကြောင်းသိရသည်။
အဆိုပါ အခင်းဖြစ်ပွားရာ တံတား နေရာတွင် လမ်းကျယ်သလောက် တံတားကကျည်းသည့်အတွက် ယာဉ်မတော်တဆမှု မကြာခဏ ဖြစ်ပွားကြောင်းလည်း ရပ်ကွက်နေပြည်သူများကပြောသည်။
Photo Z.Rescue
