မြဝတီမြို့အောင်မြေဇေယျာမဏိဇောတာရာမ သစ်တံခါးကျောင်းတိုက်၌  ကိန်းဝပ်စံပယ်မည့် မန္တလေးမဟာမုနိပုံစံတူ ရုပ်ရှင်​တော်မြတ်အား လာ​ရောက်ဖူး​မြော်သူများပြား

မြဝတီနယ်စပ်မြို့ စိမ်းလဲ့မြိုင်အ​ဝေးပြေး ကားဝင်းအနီး အောင်မြေဇေယျာမဏိဇောတာရာမ သစ်တံခါး ကျောင်းတိုက် ပရဝုဏ်ဝင်းအတွင်း၌ ကိန်းဝပ်စံပယ်တော်မူမည့် မန္တလေးမဟာမုနိပုံစံတူ ရုပ်ရှင်​တော်မြတ်အား လာ​ရောက်ဖူး​မြော်သူများပြားဖြင့် စည်ကားလျက်ရှိသည်။

မန္တ​လေး မဟာမုနိဘုရားကြီးပုံစံတူ ဉာဏ်​တော်မှာ မဂိုဋ်​တော်အပါအဝင် ၂၅​ပေ ၃လက်မရှိ​သော ရုပ်ရှင်​တော်မြတ်အား မန္တ​လေးမြို့မှ မြဝတီမြို့သို့ နိုဝင်ဘာလ ၆ ရက်​က ပင့်​ဆောင်လာခဲ့ခြင်းဖြစ်ပြီ ယခုအခါ ကန္ဓကုဋိတိုက်အရှ၌ယာယီ ကိန်းဝပ်စံပယ်လျက်ရှိရာ ​ဒေသခံများနှင့် နယ်​ဝေးဘုရားများနှင့် စည်ကား လျက်ရှိသည်။

ဘုရားကြီးအား နိုဝင်ဘာလ ၂၀ ရက်​နေ့မတိုင်ခင်မှာ ဂန္ဓကုဋိတိုက်အတွင်းရှိ ပလ္လင်​ပေါ်သို့ ပင့်​ဆောင်း ကြမည်ဖြစ်သည်။ ဤသာသနာ့​မြေနေရာသို့ ဘုရားဖူး​ရောက်ရှိလာသူများ စိတ်​အေးချမ်းသာ ​စေချင်​သည့် တစ်ခုတည်း​သောရည်ရွယ်ချက်ဖြင့် တည်ထားကိုးကွယ် ခြင်းသည်ဟူ ဘုရားဒါယကာ ဦးနိုင်​မောင်​ဇော် က​ပြောသည်။

"ရည်ရွယ်ချက်က တစ်ခုတည်းပါ၊ဒီကာလမှာ လူ​တွေအားလုံး အပူ​သောက​တွေ ရှိ​နေကြတာ၊ ဒီသာသနာ့နယ်​မြေထဲကို ​ရောက်လာတဲ့အချိန် (၇) ရက်သားသမီး ​အေးချမ်းပါ​စေ ငြိမ်း​အေး ပါ​​စေ ဆိုတဲ့ ရည်ရွယ်ချက်တစ်ခု တည်းနဲ့ ကြိုးစားပန်းစား ​ဆောင်ရွက်ခဲ့ကြတာ၊လှူဒါန်းခဲ့ကြတာ ဖြစ်ပါတယ်"ဟု ဘုရားဒါယကာ ဦးနိုင်​မောင်​​ဇော်က ​ပြောသည်။

မဟာမုနိရုပ်ရှင်​တော်မြတ်အား ကိန်းဝပ်စံပယ်မည့် ဂန္ဓကုဋိတိုက်အတွင်းသို့ပင့်​ဆောင်ခြင်းသို့ သစ်တံခါးဆရာ​တော်ဘုရားနှင့် မန္တ​လေးရေ​​တော် ဆရာ​တော်ဘုရားတို့ ကြွ​ရောက် ပူ​ဇော်မည်ဖြစ်သည်။

ထို့ နောက် ဒီဇင်ဘာ လ ၁၀ ရက်​နေ့တွင် တန်​ဆောင်း​တော်ပြဿအား ထီး​တော်တင်လှူမည်ဖြစ်​ကြောင်းသိရသည်။