Eleven Media Group

လာလီဂါတွင် ပြန်ကစားလိုကြောင်း ရီးယဲလ်ပစ်မှတ် ရိုဒရီ ဝန်ခံ

Photo: Ballon d'Or

ရီးယဲလ်မက်ဒရစ်အသင်းက ခေါ်ယူရန်ပစ်မှတ်ထားခြင်းခံနေရသည့် မန်စီးတီးကွင်းလယ်ကစားသမား ရိုဒရီက အနာဂတ်၌ လာလီဂါပြိုင်ပွဲတွင် ပြန်ကစားလိုကြောင်း ဝန်ခံပြောကြားခဲ့သည်။
ရီးယဲလ်အသင်းသည် ၂၀၂၄ Ballon d'Or ဆုရှင် ရိုဒရီ(၂၈ နှစ်)အား လာမည့် ၂၀၂၅ နွေရာသီတွင် ခေါ်ယူရန် ပစ်မှတ်ထားနေပြီး ယခု ၎င်း၏ပြောစကားကြောင့် အပြောင်းအရွှေ့မှာ ပိုမိုလှုပ်ခတ်လာခဲ့သည်။
ရိုဒရီသည် ၂၀၁၉ တွင် အက်သလက်တီကိုအသင်းမှ မန်စီးတီးအသင်းထံသို့ ပြောင်းရွှေ့ခဲ့သူဖြစ်ပြီး လာလီဂါတွင် ပြန်ကစားလိုကြောင်း ဆိုခဲ့ခြင်းဖြစ်သည်။
ရိုဒရီက ''ဒီဘက်နှစ်တွေအတွင်း လာလီဂါပြိုင်ပွဲဟာ ပိုြံပီးကြီးထွားလာပါတယ်။ ကျွန်တော် အင်္ဂလန်ကို ရောက်ရောက်ချင်းမှာပဲ အင်္ဂလိပ်ဘောလုံးကို သဘောကျနှစ်သက်ခဲ့ရပါတယ်။ မန်စီးတီးမှာ ကျွန်တော် အရမ်းပျော်ပြီး အသင်းနဲ့ စာချုပ်သက်တမ်းလည်း ရှိနေသေးပါတယ်။ ဒါပေမဲ့ ကျွန်တော့်အနေနဲ့ တစ်နေ့ လာလီဂါမှာပြန်ကစားနိုင်ဖို့မျှော်လင့်ပါတယ်''ဟု ဆိုခဲ့သည်။

မူရင်းသတင်း — Eleven Media Group