Eleven Media Group

စပိန်ဘုရင့်ဖလား ပထမအဆင့် ပွဲကြိုသုံးသပ်ချက်

Photo: X

Vic နှင့် အက်သလက်တီကို (မြန်မာစံတော်ချိန် ကြာသပတေးည ၁၂း၃၀ နာရီ)

Vic က အက်သလက်တီကိုနဲ့ အဆင့်(၅)ဆင့်ကွာတဲ့ အတန်းကအသင်းဖြစ်တာကြောင့် လောလောဆယ်ရလဒ်တွေ ကောင်းနေပေမဲ့ အက်သလက်တီကိုကို ယှဉ်နိုင်စရာမရှိပါဘူး။ ရှုံးပွဲဆက်နေတဲ့ အက်သလက်တီကို ပေါက်ကွဲမယ့်ပွဲပါ။

ဆန်တီဆို နှင့် အက်စ်ပန်ညို (မြန်မာစံတော်ချိန် ကြာသပတေးည ၁၂း၃၀ နာရီ)

ဆန်တီဆိုလည်း လိဂ်အဆင့်(၆)ကပါပဲ။ အက်စ်ပန်ညိုက လာလီဂါမှာ တန်းဆင်းဇုန်နားရောက်နေတာကြောင့် ဒီပွဲမှာ အရန်တွေပဲ သုံးဖို့များပါတယ်။ ဂိုးမပြတ်နိုင်ပါဘူး။

ဟယ်ဗော်ရာ နှင့် ဘက်တစ် (မြန်မာစံတော်ချိန် သောကြာနံနက် ၂း၃၀ နာရီ)

ဟယ်ဗော်ရာလည်း လာလီဂါအောက် (၅)တန်းမြောက်က အသင်းပါပဲ။ ဒါကြောင့် ဘက်တစ်အတွက် အခက်အခဲမရှိနိုင်ပါဘူး။ ဒါပေမဲ့ ဘက်တစ်ရဲ့ တိုက်စစ်ပိုင်း အားရစရာမရှိလို့ ဂိုးပြတ်သွင်းနိုင်ပါ့မလားဆိုတာတော့ စိုးရိမ်စရာရှိပါတယ်။

အွန်တီညယ်ညာ နှင့် လက်စ်ပါမားစ် (မြန်မာစံတော်ချိန် သောကြာနံနက် ၂း၃၀ နာရီ)

အိမ်ရှင်အသင်းက လိဂ်အဆင့်(၆)က အသင်းပါ။ ဒါပေမဲ့ လက်စ်ပါမားစ်ကလည်း လာလီဂါမှာ တန်းဆင်းဇုန်ထဲရောက်နေတာကြောင့် အားမစိုက်နိုင်ပါဘူး။ ကပ်နိုင်ရုံပဲ ဖြစ်ပါလိမ့်မယ်။

ယိုဗယ်အက်စပန်ညော နှင့် ဆိုစီဒက် (မြန်မာစံတော်ချိန် သောကြာနံနက် ၂း၃၀ နာရီ)

အိမ်ရှင်အသင်းက လိဂ်အဆင့်(၅)က အသင်းပါ။ ဒါကြောင့် ဆိုစီဒက်နဲ့ ခြေအဆင့်အတန်းချင်းကွာခြားပါတယ်။ ဆိုစီဒက် ဂိုးပြတ်သွင်းပါလိမ့်မယ်။

မူရင်းသတင်း — Eleven Media Group