Eleven Media Group

တိုက်စစ်မှူးဟောင်း ဒွိုက်ယော့ခ်ကို နည်းပြသစ်အဖြစ် ထရီနီဒတ်အသင်းခန့်အပ်

Photos: X

ထရီနီဒက်နှင့် တိုဘာဂိုလက်ရွေးစင်အသင်းသည် တိုက်စစ်မှူးဟောင်း ဒွိုက်ယော့ခ်ကို နည်းပြသစ်အဖြစ် ခန့်အပ်ခဲ့ကြောင်း သိရသည်။

အသက် (၅၂) နှစ်ရှိပြီဖြစ်သူ ဒွိုက်ယော့ခ်သည် အက်စတွန်ဗီလာ၊ မန်ယူ၊ ဘလက်ဘန်း၊ ဘာမင်ဂမ်၊ ဆန်းဒါးလန်းစသည့် ပရီးမီးယားလိဂ်ကလပ်များနှင့် သြစတြေးလျကလပ် ဆစ်ဒနီအသင်းတို့တွင် ကစားခဲ့ဖူးသူဖြစ်သည်။

၎င်းသည် ထရီနီဒတ်နှင့်တိုဘာဂိုအသင်း၏ အသင်းခေါင်းဆောင်ဟောင်းတစ်ဦးဖြစ်ပြီး ၁၉၈၉ မှ ၂၀၀၉ ခုနှစ်အထိ (၇၂) ပွဲကစားကာ (၁၉) ဂိုးသွင်းယူပေးခဲ့သည်။

ထရီနီဒတ်နှင့် တိုဘာဂိုအသင်းမှာ ဒွိုက်ယော့ခ်အတွက် ဒုတိယမြောက် ကိုင်တွယ်ခွင့်ရသည့်အသင်းဖြစ်ပြီး သြစတြေးလျကလပ် မက်ကာသာအသင်းကို ၂၀၂၂ ခုနှစ် ဇူလိုင်မှ ၂၀၂၃ ခုနှစ် ဇန်နဝါရီအထိ (၇)လသာ ကိုင်တွယ်ခဲ့ဖူးသော်လည်း သြစတြေးလျဖလားချန်ပီယံဆု ရယူပေးနိုင်ခဲ့သည်။

ဒွိုက်ယော့ခ်က လက်ရွေးစင်အသင်းကို ဦးဆောင်ခွင့်ရသည့်အတွက် ဂုဏ်ယူကြောင်း ပြောကြားခဲ့သည်။

မူရင်းသတင်း — Eleven Media Group