Eleven Media Group

အာဆင်နယ်ကစားသမား ထရိုဆက်ဒ်ကို အယ်လ်အစ်တီဟတ်အသင်း ချိန်ရွယ်

Photo: X

ဆော်ဒီကလပ် အယ်လ်အစ်တီဟတ်အသင်းသည် အာဆင်နယ်အသင်းမှ ဘယ်လ်ဂျီယံတိုက်စစ်ကစားသမား ထရိုဆက်ဒ်ကို ခေါ်ယူရန် ချိန်ရွယ်နေကြောင်း သိရသည်။
အယ်လ်အစ်တီဟတ်အသင်းသည် ထရိုဆက်ဒ်(၂၉ နှစ်) ကို ပြီးခဲ့သည့်နွေရာသီကတည်းက အငှားဖြင့်ခေါ်ယူရန် ကမ်းလှမ်းခဲ့ဖူးပြီး ယခုအထိ ခေါ်ယူရန် စိတ်ဝင်စားနေခြင်း ဖြစ်သည်။
၎င်းတို့က ထရိုဆက်ဒ်အား လာမည့်ဇန်နဝါရီအပြောင်းအရွှေ့တွင် ပေါင်သန်း(၄၀)ဖြင့် ကမ်းလှမ်းရန် စီစဉ်နေပြီး အာဆင်နယ်ကလည်း လက်ခံစဉ်းစားဖွယ်ရှိကြောင်း Mirror သတင်းစာက ဖော်ပြခဲ့သည်။
အာဆင်နယ်အသင်းသည် ထရိုဆက်ဒ်ကို ရောင်းထုတ်ပြီး ဝက်စ်ဟမ်းအသင်းမှ ဂါနာတောင်ပံကစားသမား ကူဒူစ်(၂၄ နှစ်)ကို ပေါင်သန်း(၉၀)ဖြင့် ခေါ်ယူသွားရန် ရည်ရွယ်နေခြင်းဖြစ်ကြောင်းလည်း Mirror က ဖော်ပြခဲ့သည်။

မူရင်းသတင်း — Eleven Media Group