Eleven Media Group

နူနိုဆန်တိုအား စာချုပ်သစ် ချုပ်ဆိုရန် နော်တင်ဟမ် စီစဉ်

Photo: X

နော်တင်ဟမ်ဖောရက်စ်အသင်းသည် အသင်းနည်းပြ နူနိုဆန်တိုအား စာချုပ်သစ်ချုပ်ဆိုရန် စီစဉ်နေကြောင်း သိရှိရသည်။
နော်တင်ဟမ်ဖောရက်စ်အသင်းသည် ပြီးခဲ့သည့် ၂၀၂၃-၂၄ ရာသီက ပရီးမီးယားလိဂ်မှတန်းမဆင်းရရန် ရုန်းကန်ခဲ့ရသော်လည်း ယခုရာသီ ပွဲစဉ် (၁၀) အပြီးတွင် ရမှတ် (၁၉) မှတ်ဖြင့် အဆင့် (၃) နေရာ ရပ်တည်နေသည်။
ထို့ကြောင့် နော်တင်ဟမ်ဖောရက်စ်အသင်းသည် အသင်းနည်းပြ နူနိုဆန်တိုအား လစာတိုးပေးကာ စာချုပ်သစ်ချုပ်ဆိုရန်စီစဉ် နေကြောင်း သိရသည်။
ပေါ်တူဂီလူမျိုးနည်းပြ နူနိုဆန်တိုသည် နော်တင်ဟမ်ဖောရက်စ်အသင်းနှင့် ၂၀၂၆ ခုနှစ်အထိ စာချုပ်သက်တမ်းရှိနေပြီး လက်ရှိတွင် တစ်နှစ်လစာ ပေါင် (၂) သန်း ရရှိနေကြောင်း သိရှိရသည်။

မူရင်းသတင်း — Eleven Media Group