Eleven Media Group

■ အမ်ဘူမို၏ ပြောင်းရွှေ့ကြေးကို ပေါင်သန်း(၆၀)ဟု ဘရန့်ဖို့ဒ်အသင်း သတ်မှတ်

ဘရန့်ဖို့ဒ်အသင်းသည် ပရီးမီးယားလိဂ်ထိပ်သီးကလပ်အသင်းများစွာ စိတ်ဝင်စားနေသည့် ကင်မရွန်းတိုက်စစ်ကစားသမား အမ်ဘူမိုအတွက် ပြောင်းရွှေ့ကြေးကို ပေါင်သန်း(၆၀)ဟု သတ်မှတ်လိုက်ကြောင်း သိရသည်။

အသက် (၂၅) နှစ်အရွယ်ရှိ အမ်ဘူမိုသည် ၂၀၁၉ နွေရာသီတွင် ပြင်သစ်ကလပ် ထရွိုင်စ်အသင်းမှ ဘရန့်ဖို့ဒ်အသင်းထံသို့ ပေါင် (၅.၈)သန်းဖြင့် ပြောင်းရွှေ့လာခဲ့သူဖြစ်သည်။

၎င်းသည် ယခုရာသီတွင် ဘရန့်ဖို့ဒ်အသင်းအတွက် ခြေစွမ်းပြနေပြီး ပရီးမီးယားလိဂ် (၉) ပွဲတွင် (၈) ဂိုးအထိ သွင်းယူထားသည်။

ထို့ကြောင့် လက်ရှိတွင် အမ်ဘူမိုအား ခေါ်ယူရန် ပရီးမီးယားလိဂ်ထိပ်သီးကလပ်များဖြစ်သည့် လီဗာပူးလ်၊ အာဆင်နယ်နှင့် နယူး ကာဆယ်အသင်းတို့က ခေါ်ယူရန် စိတ်ဝင်စားနေခြင်းဖြစ်ကြောင်း သိရသည်။

လက်ရှိအချိန်တွင် လီဗာပူးလ်က ၎င်းကို ခေါ်ယူနိုင်ရန် ရေပန်းအစားဆုံးအသင်းအဖြစ် သတင်းထွက်နေသည်။

မူရင်းသတင်း — Eleven Media Group