Eleven Media Group

■ အနီရောင်မန်ချက်စတာရပ်ဝန်းကို ရောက်လာနိုင်တဲ့ အူစမန်ဒီယိုမန်ဒီ

Photo:Getty Images

ပြီးခဲ့တဲ့ရက်ပိုင်းက ကစားခဲ့တဲ့ ချန်ပီယံလိဂ်ပွဲစဉ် (၄)မှာ စပို့တင်းလစ္စဘွန်းက ပရီးမီးယားလိဂ်ထိပ်သီး မန်စီးတီးကို (၄-၁)ဂိုးဆိုတဲ့ ရလဒ်နဲ့ အနိုင်ရခဲ့တယ်။ အဲဒီပွဲမှာ စပို့တင်းလစ္စဘွန်းအသင်းရဲ့ ဆွီဒင်ကြယ်ပွင့်တိုက်စစ်မှူး ယိုကယ်ရက်စ်က ဟက်ထရစ်သွင်းပြီး သူ့ရဲ့ကိုယ်ရည်ကိုယ်သွေးကို ပြသနိုင်ခဲ့တယ်။ တကယ်လည်း ယိုကယ်ရက်စ်ဟာ အဲဒီပွဲရဲ့ ခြွင်းချက်မရှိ အကောင်းဆုံးကစားသမားဖြစ်ခဲ့တာပါ။ ဒါပေမဲ့ စပို့တင်းလစ္စဘွန်းအသင်းရဲ့ ခံစစ်မှာ ကျောက်ဆောင်သဖွယ် ပုံစံကောင်းပြခဲ့တဲ့ ကစားသမားတစ်ယောက်လည်း ရှိပါသေးတယ်။ သူကတော့ စပို့တင်းလစ္စဘွန်းအသင်းရဲ့ အိုင်ဗရီကို့စ် လူငယ်နောက်ခံလူ အူစမန်ဒီယိုမန်ဒီ ဆိုသူပါပဲ။ မန်စီးတီးအသင်းရဲ့ ကမ္ဘာ့အဆင့် ကြယ်ပွင့်တိုက်စစ်မှူး အာလင်းဟာလန်းကို ဒီယိုမန်ဒီ ထိန်းချုပ်ကစားသွားပုံက အထင်ကြီးစရာအရမ်းကောင်းပြီး ကျွမ်းကျင်သူတွေအနေနဲ့လည်း သူ့ကို ချီးကျူးမှုတွေ ပြုလုပ်ခဲ့ကြတယ်။

မူရင်းသတင်း — Eleven Media Group