Eleven Media Group

ဘာစီလိုနာအသင်း Nike နှင့် စာချုပ်သစ်ချုပ်ဆိုခဲ့ပြီး တစ်နှစ်လျှင် ယူရိုသန်း ၁၀၀ ကျော် ရရှိမည်

Photo: Footy Headlines

အင်္ကျီစပွန်ဆာဖြစ်သည့် Nike အမှတ်တံဆိပ်နှင့် စာချုပ်သစ်ချုပ်ဆိုရန် သဘောတူညီမှုရရှိပြီဖြစ်ကြောင်း ဘာစီလိုနာအသင်းက ထုတ်ပြန်ခဲ့ပြီး တစ်နှစ်လျှင် ယူရိုသန်း ၁၀၀ ကျော်ရရှိမည်ဖြစ်ကြောင်း သိရသည်။

ဘာစီလိုနာအသင်းသည် အမေရိကန် အခြေစိုက် Nike အမှတ်တံဆိပ်နှင့် ၁၉၉၈ ခုနှစ်ကတည်းက လက်တွဲလာခြင်းဖြစ်ပြီး စာချုပ်သစ်မှာလည်း နှစ်ရှည်စာချုပ်ဖြစ်ကြောင်း ဘာစီလိုနာအသင်းက ကြေညာခဲ့သည်။

စာချုပ်တန်ဖိုးကို ထုတ်ပြန်ခြင်းမရှိသော်လည်း ကမ္ဘာ့ဘောလုံးလောက၏ တန်ဖိုးအမြင့်ဆုံးစာချုပ်ဖြစ်နိုင်ကြောင်း ဘာစီလိုနာအသင်းဥက္ကဋ္ဌ လာပေါ်တာက ပြောကြားထားဖူးသည်။

ဘာစီလိုနာအသင်းအနေဖြင့် Nike ထံမှ တစ်နှစ်လျှင် ယူရိုသန်း ၁၀၀ ကျော်ရရှိနိုင်ကြောင်း ESPN သတင်းဌာနက ခန့်မှန်းထားပြီး ရီးယဲလ်အသင်းမှာ Adidas နှင့် စာချုပ်အရ တစ်နှစ်လျှင် ယူရိုသန်း ၁၂၀ ရရှိနေသည်။

မူရင်းသတင်း — Eleven Media Group