Eleven Media Group

ဆိုစီဒက်အသင်းမှ စပိန်ကွင်းလယ်ကစားသမား ဇူဘီမန်ဒီအား လာမည့်ဇန်နဝါရီအပြောင်းအရွှေ့တွင်ခေါ်ယူရန် မန်စီးတီးအသင်းစီစဉ်

Photo: Marca

မန်စီးတီးအသင်းသည် ဆိုစီဒက်အသင်းမှ စပိန်ကွင်းလယ်ကစားသမား ဇူဘီမန်ဒီအား လာမည့်ဇန်နဝါရီအပြောင်းအရွှေ့တွင် ပေါင်သန်း(၅၀)ဝန်းကျင်ဖြင့် ခေါ်ယူရန် စီစဉ်နေကြောင်း သိရသည်။

ဇူဘီမန်ဒီ(၂၅ နှစ်)သည် ပြီးခဲ့သည့်နွေရာသီအပြောင်းအရွှေ့ကာလတွင် လီဗာပူးလ်အသင်း၏ ပစ်မှတ်ကစားသမားဖြစ်ခဲ့သော်လည်း ဆိုစီဒက်တွင် ဆက်ကစားရန်သာ ဆုံးဖြတ်ခဲ့သူဖြစ်သည်။

သို့သော် ဇူဘီမန်ဒီအနေဖြင့် ပရီးမီးယားလိဂ်သို့ ပြောင်းရွှေ့ကစားရန် ဆန္ဒရှိနေကြောင်း ၎င်းနှင့် နီးစပ်သူများက ပြောကြားခဲ့ကြသည်။

ယခုအခါ မန်စီးတီးအသင်းက ဒဏ်ရာကြောင့် ရာသီကုန်အထိ ဆုံးရှုံးထားရသည့် ရိုဒရီနေရာအတွက် ဇူဘီမန်ဒီအား အစားထိုးခေါ်ယူရန် စီစဉ်နေခြင်း ဖြစ်ကြောင်း သိရသည်။

ဇူဘီမန်ဒီသည် ယခုရာသီတွင် ဆိုစီဒက်အသင်းအတွက် ပြိုင်ပွဲစုံ ၁၆ ပွဲ ကစားထားပြီး ၁ ဂိုး သွင်းယူပေးထားသည်။

မူရင်းသတင်း — Eleven Media Group