Eleven Media Group

■ အင်္ဂလန်အသင်းအတွက် ပထမဆုံးပွဲထွက်မယ့် လူးဝစ်ဟောလ်

လာမယ့်ပွဲစဉ်အတွက် ကာစလေရွေးချယ်ခဲ့တဲ့ အင်္ဂလန်အသင်းလူစာရင်းကိုကြည့်ရင် ကစားသမားသစ်တချို့ပါဝင်နေတယ်။ ဒီကစားသမားတွေထဲမှာ အသက် (၂၀)အရွယ်သာရှိသေးတဲ့ နယူးကာဆယ်ဘယ်နောက်ခံလူ လူးဝစ်ဟောလ်လည်း ပါဝင်လာခဲ့တယ်။ လုခ်ရှော နောက်ပိုင်း ဘယ်အစွန်ခံစစ်ပြဿနာကြုံတွေ့နေရတဲ့ အင်္ဂလန်အသင်းအတွက် လူးဝစ်ဟောလ်က မျှော်လင့်ချက်တစ်ခုလည်း ဖြစ်လာခဲ့တယ်။ နည်းပြ ဆောက်ဂိတ်လက်ထက်ကဆိုရင် ထရစ်ပီယာလို ညာနောက်ခံကစားသမားကိုတောင် ဘယ်ဘက်မှာ ထုတ်ကစားခဲ့ရတယ်။ ဒဏ်ရာပြဿနာတွေနဲ့ လုံးလည်ချာလည်လိုက်နေတဲ့ လုခ်ရှော၊ ဘင်ချီဝဲလ်တို့ကြောင့်လည်း လူးဝစ်ဟောလ်ကို အင်္ဂလန်အသင်းမှာ စောင့်ကြည့်ချင်စရာဖြစ်လာခဲ့တာပါ။

မူရင်းသတင်း — Eleven Media Group