Eleven Media Group

မည်သည့်အောင်မြင်မှုမျှ မရသေးကြောင်း ဒါဝင်နူးနက်ဇ် သတိပေး

Photo: The Anfield Buzz

လီဗာပူးလ်တိုက်စစ်မှူး ဒါဝင်နူးနက်ဇ်က ပရီးမီးယားလိဂ်နှင့် ချန်ပီယံလိဂ်တို့တွင် ဦးဆောင်နေသော်လည်း မည်သည့်အောင်မြင်မှုမျှ မရသေးကြောင်း အသင်းဖော်များကို သတိပေးပြောကြားခဲ့သည်။
လီဗာပူးလ်အသင်းသည် နည်းပြသစ် ဆလော့လက်ထက်တွင် ခြေစွမ်းပြနေပြီး ပရီးမီးယားလိဂ်ပွဲစဉ် (၁၁)အပြီးတွင် အမှတ်ပေးဇယားကို (၅)မှတ်ဖြတ်ဦးဆောင်နေသလို၊ ချန်ပီယံလိဂ်တွင်လည်း ပွဲစဉ် (၄) အပြီးတွင် ရာနှုန်းပြည့်အနိုင်ရကာ အမှတ်ပေးဇယားထိပ်ဆုံးတွင် ရပ်တည်နေသည်။
သို့သော် ဒါဝင်နူးနက်ဇ်က ''ကျွန်တော်တို့အနေနဲ့ ဘဝင်မမြင့်ဘဲ ဆက်ပြီး အလုပ်လုပ်ဖို့ လိုပါတယ်။ ကျွန်တော်တို့ ဘာအောင်မြင်မှုမှ မရသေးပါဘူး။ အများကြီး ကြိုးစားရဦးမှာပါ''ဟု ပြောကြားခဲ့သည်။
လီဗာပူးလ်အသင်းသည် နိုဝင်ဘာနှောင်းပိုင်းနှင့် ဒီဇင်ဘာလဆန်းပိုင်းတွင် ရီးယဲလ်မက်ဒရစ်၊ မန်စီးတီး၊ နယူးကာဆယ်၊ အဲဗာတန်တို့နှင့် ပွဲကျပ်များ ဆက်တိုက်ရင်ဆိုင်သွားရမည်ဟု သိရသည်။

မူရင်းသတင်း — Eleven Media Group