Eleven Media Group

■ ယိုကယ်ရက်စ်အတွက် ဇက်ဇီအား အသုံးချရန် မန်ယူအသင်း စီစဉ်နေ

Photo: Getty Images

မန်ယူအသင်းသည် စပို့တင်းလစ္စဘွန်းအသင်းမှ ဆွီဒင်တိုက်စစ်မှူး ယိုကယ်ရက်စ်ကို ခေါ်ယူရန်အတွက် နယ်သာလန်တိုက်စစ်မှူး ဇက်ဇီကို အသုံးချရန် စီစဉ်နေကြောင်း သိရသည်။

မန်ယူအသင်းသည် ဇက်ဇီကို ပြီးခဲ့သည့်နွေရာသီတွင် ပေါင်(၃၆.၅)သန်းဖြင့်ခေါ်ယူကာ (၅)နှစ်စာချုပ်ချုပ်ဆိုခဲ့သော်လည်း ခြေစွမ်းအား သဘောကျခြင်းမရှိသည့်အတွက် ပြန်လည်ရောင်းထုတ်ရန် လိုလားနေသည်။

ထို့ပြင် ယိုကယ်ရက်စ်ကိုလည်း ခေါ်ယူရန် ဆန္ဒရှိနေရာ ဇက်ဇီနှင့် ငွေသားအလိုက်ပေး၍ ကမ်းလှမ်းသွားရန် စီစဉ်နေခြင်းဖြစ်ကြောင်း သိရသည်။

အသက် (၂၆) နှစ်အရွယ်ရှိ ယိုကယ်ရက်စ်သည် ယခုရာသီတွင် စပို့တင်းလစ္စဘွန်းအသင်းအတွက် ပြိုင်ပွဲစုံ (၁၈) ပွဲတွင် (၂၃) ဂိုးအထိ သွင်းယူထားပြီး ၎င်းကို ခေါ်ယူရန် ဥရောပထိပ်တန်းအသင်းများစွာက စိတ်ဝင်စားနေကြောင်း သိရသည်။

မန်ယူနည်းပြသစ် အာမိုရင်မ်အနေဖြင့် စပို့တင်းလစ္စဘွန်းအသင်းတွင် လက်တွဲညီခဲ့သည့် ဂျိုကယ်ရက်စ်အား ခေါ်ယူရန် ဆန္ဒရှိနေရာ မန်ယူအသင်းအနေဖြင့် ဇီဇက်အား အသုံးချရန် စီစဉ်လာခြင်းဖြစ်သည်။

ဘိုလော့ဂ်နာအသင်းတွင် ခြေစွမ်းပြနိုင်ခဲ့သည့် ဇက်ဇီကို စီးရီးအေကလပ်အသင်းများက ခေါ်ယူရန် စိတ်ဝင်စားနေကြောင်းလည်း သိရသည်။

အသက် (၂၃) နှစ်အရွယ်ရှိ နယ်သာလန်တိုက်စစ်ကစားသမား ဇက်ဇီသည် ယခုရာသီတွင် မန်ယူအသင်းအတွက် ပြိုင်ပွဲစုံ (၁၁) ပွဲတွင် (၁) ဂိုးသာ သွင်းယူထားသည်။

မူရင်းသတင်း — Eleven Media Group