Eleven Media Group

■ တူဟယ်လ်နှင့် အမြန်ဆုံးလက်တွဲရန် ဂေါ်ဒွန် လိုလားနေ

Photo: Getty Images

နယူးကာဆယ်အသင်းမှ အင်္ဂလန်တောင်ပံကစားသမား ဂေါ်ဒွန်က အင်္ဂလန်လက်ရွေးစင်နည်းပြသစ် သောမတ်စ်တူဟယ်လ်နှင့် အမြန်ဆုံးလက်တွဲရန် လိုလားနေကြောင်း သိရသည်။

အင်္ဂလန်ဘောလုံးအဖွဲ့ချုပ် (FA) သည် အောက်တိုဘာ (၁၆) ရက်တွင် ချယ်လ်ဆီးနှင့် ဘိုင်ယန်မြူးနစ်နည်းပြဟောင်း တူဟယ်လ်အား အင်္ဂလန်လက်ရွေးစင်နည်းပြအဖြစ် ခန့်အပ်ခဲ့သည်။

သို့သော် တူဟယ်လ်သည် ၂၀၂၅ ခုနှစ်၊ ဇန်နဝါရီလ (၁) ရက်တွင်မှ အင်္ဂလန်လက်ရွေးစင်အသင်းနည်းပြအဖြစ် စတင်ဆောင်ရွက်မည်ဖြစ်ပြီး လက်ရှိတွင် ယာယီနည်းပြ ကာစလေက အင်္ဂလန်လက်ရွေးစင်အသင်းကို ကိုင်တွယ်လျက်ရှိသည်။

ဂေါ်ဒွန်သည် သောမတ်စ်တူဟယ်လ် ချယ်လ်ဆီးအသင်းကို ကိုင်တွယ်စဉ်က ချယ်လ်ဆီးအသင်းသို့ ရောက်ရှိရန် နီးစပ်ခဲ့ဖူးသူဖြစ်ကြောင်း သိရသည်။

ထို့ကြောင့် ဂေါ်ဒွန်က တူဟယ်လ်၏ နည်းစနစ်များက ၎င်းနှင့် အံဝင်လိမ့်မည်ဟု ယူဆနေပြီး လက်ရွေးစင်အသင်းတွင် အခွင့်အရေးပိုရလာမည်ဟု ယုံကြည်နေကြောင်း သိရသည်။

မူရင်းသတင်း — Eleven Media Group