Eleven Media Group

■ နည်းပြလောကသို့ နစ္စတယ်ရွိုင်း အမြန်ဆုံးပြန်လည်ဝင်ရောက်ဖွယ်ရှိ

မန်ယူအသင်း၏ ယာယီနည်းပြအဖြစ် ရလဒ်ကောင်းများရရှိအောင် စွမ်းဆောင်နိုင်ခဲ့သည့် နယ်သာလန်တိုက်စစ်မှူးဟောင်း နစ္စတယ်ရွိုင်းသည် နည်းပြလောကသို့ အမြန်ဆုံးပြန်လည်ဝင်ရောက်ဖွယ်ရှိကြောင်း သိရသည်။

နစ္စတယ်ရွိုင်းကို နည်းပြသစ်အဖြစ် ခန့်အပ်ရန် လိဂ်ချန်ပီယံရှစ်ကလပ် ဘန်လေအသင်းက ပြီးခဲ့သည့်နွေရာသီကတည်းက စိတ်ဝင်စားခဲ့ကြောင်း သိရသည်။

သို့သော် နစ္စတယ်ရွိုင်းသည် မန်ယူအသင်းတွင် လက်ထောက်နည်းပြအဖြစ် ဆောင်ရွက်ရန်အတွက် ဘန်လေအသင်း၏ ကမ်းလှမ်းမှုကို ငြင်းပယ်ခဲ့ကြောင်း သိရသည်။

သို့သော် အာမိုရင်မ် မန်ယူအသင်းနည်းပြဖြစ်လာပြီးနောက် နည်းပြအဖွဲ့ကို ခေါ်ဆောင်လာခဲ့ရာ နစ္စတယ်ရွိုင်းအနေဖြင့် မန်ယူအသင်းမှ ထွက်ခွာခဲ့ရသည်။

ယင်းအနေအထားတွင် ဘန်လေအသင်းက အသင်းလက်မဲ့ဖြစ်နေသည့် နစ္စတယ်ရွိုင်းအား ယခုအခါ တရားဝင်ကမ်းလှမ်းမှုပြုလုပ်ရန် စီစဉ်နေပြီဖြစ်ကြောင်း သိရသည်။

နစ္စတယ်ရွိုင်းကလည်း ၎င်း၏အနာဂတ်အတွက် အားလုံးကို တံခါးဖွင့်ထားသည်ဟု ပြောကြားထားသည်။

မူရင်းသတင်း — Eleven Media Group