အာဆင်နယ်အသင်းဟာ လာမယ့်နွေရာသီမှာ ဘရာဇီးလ်တောင်ပံကစားသမား မာတင်နယ်လီအပါအဝင် စီနီယာကစားသမား(၅)ဦးကို ရောင်းထုတ်ဖွယ်ရှိကြောင်း Mirror က ဖော်ပြခဲ့ပါတယ်။
အာဆင်နယ်အသင်းဟာ အခုနောက်ပိုင်းနှစ်တွေမှာ ရင်းနှီးမြှုပ်နှံမှုတွေ ဆက်တိုက်ပြုလုပ်လာတ့အသင်းဖြစ်ပြီး အဲဒီအတွက်ပဲ ပြိုင်ပွဲတိုင်းမှာ ဆုဖလားကို စိန်ခေါ်နိုင်တဲ့အသင်း ဖြစ်လာခဲ့တာပါ။
အာဆင်နယ်အသင်းဟာ အခုရာသီမှာ ဖလားလေးလုံးအောင်ပွဲကို မျှော်လင့်နိုင်တဲ့ အနေအထား ရောက်ရှိခဲ့ပြီး လိဂ်ဖလားနဲ့ FA ဖလားတို့ကို လက်လွှတ်ခဲ့ရပြီဖြစ်ပေမဲ့ ပရီးမီးယားလိဂ်နဲ့ ချန်ပီယံလိဂ်ဖလားတွေအတွက် မျှော်လင့်ချက်အပြည့်ရှိနေပါတယ်။
အထူးသဖြင့် ပရီးမီးယားလိဂ်ပြိုင်ပွဲမှာ တစ်ပွဲလျော့မန်စီးတီးကို (၉)မှတ်ဖြတ်ထားတဲ့အတွက် ချန်ပီယံဆုရရှိဖို့ အလားအလာကောင်းနေပါတယ်။
အာဆင်နယ်အသင်းတာဝန်ရှိသူတွေကတော့ ဒီရာသီမှာ ဘယ်လိုပဲအဆုံးသတ်ပါစေ အသင်းကို ပိုမိုတောင့်တင်းအောင် တည်ဆောက်သွားဖို့ ရည်ရွယ်ထားတဲ့အတွက် အရည်အသွေးပိုင်း လိုအပ်ချက်ရှိနေတဲ့ ကစားသမားတွေကို ရောင်းထုတ်ပြီး ထိပ်တန်းကစားသမားတွေ ပြန်လည်အားဖြည့်ဖို့ စီစဉ်နေကြောင်း သိရပါတယ်။
Mirror ရဲ့ဖော်ပြမှုအရ အာဆင်နယ်အသင်း ရောင်းထုတ်ဖို့ စီစဉ်နေတဲ့ ကစားသမားတွေက မာတင်နယ်လီ၊ ဂျေးဇူး၊ စကယ်လီ၊ နွမ်နရီနဲ့ ဘင်ဝှိုက်တို့ဖြစ်ကြောင်း သိရပါတယ်။
