နယ်မြေဒေသတည်ငြိမ်အေးချမ်းလာသဖြင့် ပြန်လည်ထူထောင်ရေးလုပ်ငန်းများဆောင်ရွက်နေသော ချင်း ပြည်နယ်၊ ဖလမ်းမြို့၌ ရုံးသုံးဆိုလာလျှပ်စစ်မီးများကိုတပ်ဆင်ပေးလျက်ရှိကြောင်း သိရသည်။
အဆိုပါ ရုံးသုံးဆိုလာလျှပ်စစ်မီးများကို အမျိုးသားသဘာဝဘေးအန္တရာယ်ဆိုင်ရာစီမံခန့်ခွဲမှုရန်ပုံငွေဖြင့် ဖလမ်းခရိုင်နှင့် မြို့နယ်အဆင့်ဌာနဆိုင်ရာများတွင် ရုံးလုပ်ငန်းဆောင်ရွက်ရန် ဦးစားပေးအလိုက်တပ်ဆင်ပေးလျက်ရှိရာ ဖလမ်းခရိုင်ရဲတပ်ဖွဲ့မှူးရုံးနှင့် မြို့နယ်ပညာ ရေးမှူးရုံးတွင် 6kv Watt ဆိုလာလျှပ်စစ်မီးတပ်ဆင်ပြီး ၍ ရုံးလုပ်ငန်းများဆောင်ရွက်လျက်ရှိကြောင်း သိရသည်။
6kv Watt ဆိုလာလျှပ်စစ်မီးဖြင့် ရုံးသုံး Computerနှင့် Printer (၅)စုံ၊ ၂၀ ဝပ် အားသုံးလျှပ်စစ်မီးလုံး(၂၀) လုံးအပါအဝင် အခြားလျှပ်စစ်ပစ္စည်း (၁၀၀၀)ဝပ် ပမာဏခန့်သုံးစွဲနိုင်မည်ဖြစ်ကြောင်း သိရသည်။
