မအူပင်၊ ဩဂုတ် ၁၈
ဧရာဝတီတိုင်းဒေသကြီး၊ မအူပင်မြို့နယ်တွင် မိုးသည်းထန်စွာရွာသွန်းပြီး တိုးမြစ်ရေ မြင့်တက်လာမှုကြောင့် မြို့နယ်အတွင်းရှိ အခြေခံပညာကျောင်း ၁၅ ကျောင်းကို ဩဂုတ် ၁၇ ရက်အထိ ယာယီပိတ်ထားရကြောင်း ဒေသခံများထံမှ သိရသည်။
မြစ်ရေဝင်ရောက်မှုကြောင့် ယာယီပိတ်ထားရသည့် ကျောင်းများမှာ ကျွဲဒုံးကျေးရွာအုပ်စုရှိ အမက-ကျွဲသောင်၊ အောက်ထုံးကျေးရွာအုပ်စုရှိ အမက-သောင်သာယာနှင့် အမက-လက်ပံတန်း၊ မလက်တိုကျေးရွာအုပ်စုရှိ အထက(ခွဲ)-ခနောင်ကြီးနှင့် မူလွန်-လှိုင်းတာ၊ အလန်းကျေးရွာအုပ်စုရှိ အလက-ဘုရားချောင်း၊ ပေကုန်းကျေးရွာအုပ်စုရှိ အထက(ခွဲ)-ပေကုန်းတို့ဖြစ်သည်။
ထို့ပြင် ထနီးကျေးရွာအုပ်စုရှိ အမက-ဇီးကုန်းနှင့် အလက(ခွဲ)-ပတုပ်၊ ထရော်ပေကုန်းကျေးရွာအုပ်စုရှိ အမက-ထရော်ပေကုန်း၊ ထရော်ညောင်ဝိုင်းကျေးရွာအုပ်စုရှိ အမက-ကံစု၊ တာပါတ်အရှေ့ကျေးရွာအုပ်စုရှိ မူလွန်-ဘုရားသုံးဆူ၊ ကျုံစုတ်ကျေးရွာအုပ်စုရှိ အလက(ခွဲ)-ကျုံစုတ်၊ လေးအိမ်စုကျေးရွာအုပ်စုရှိ အမက-ကညင်သုံးပင်နှင့် ထရော်စခန်းကြီးကျေးရွာအုပ်စုရှိ အမက-အရှေ့ဂိုးမြောင်းတို့ကိုလည်း ယာယီပိတ်ထားရသည်။
ယာယီကျောင်းပိတ်ထားရသည့် ရက်များကြောင့် သင်ခန်းစာနောက်ကျမှုမရှိစေရန် အပတ်စဉ် တနင်္ဂနွေနေ့များတွင် အစားထိုးပြန်လည်သင်ကြားပေးသွားမည်ဖြစ်ကြောင်း သိရသည်။
လက်ရှိအချိန်အထိ မြစ်ရေမြင့်တက်မှုကြောင့် ကျောင်းအဆောက်အအုံများ ထိခိုက်ပျ-က်စီးမှုနှင့် ကျောင်းသား၊ ကျောင်းသူများ ထိခိုက်ဒ-ဏ်ရာရရှိမှု တစ်စုံတစ်ရာ မရှိသေးကြောင်း သိရသည်။
