ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီဥက္ကဋ္ဌအဖြစ် ဦးခင်ရီအား ပြန်လည်ရွေးချယ်တင်မြှောက်ခဲ့သည်။
နေပြည်တော်ရှိ ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီဌာနချုပ် အစည်းအဝေးခန်းမတွင် ကျင်းပသည့် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ၏ စတုတ္ထအကြိမ်မြောက် ပါတီညီလာခံ(၂၀၂၆)အား စက်တင်ဘာ ၁၉ ရက်မှ ၂၀ ရက်ထိ နှစ်ရက်ကြာကျင်းပပြီးနောက် ပါတီဗဟိုကော်မတီနှင့် ဗဟိုအလုပ်အမှုဆောင်အဖွဲ့ကို ပြန်လည်ရွေးချယ်ခဲ့ခြင်းဖြစ်သည်။
ပါတီဗဟိုအလုပ်အမှုဆောင်အဖွဲ့သစ်တွင် ပါတီ ဥက္ကဌအဖြစ် ဦးခင်ရီ၊ ဒုတိယဥက္ကဋ္ဌများအဖြစ် ဦးမြတ်ဟိန်းနှင့် ဦးသောင်းအေး၊အထွေထွေအတွင်းရေးမှူးအဖြစ် ဦးတင်အောင်ချစ်တို့ရွေးချယ်ခံခဲ့ရကာ ယခင်ပါတီ ဒုတိယဥက္ကဋ္ဌတစ်ဦးဖြစ်သည့် ဦးလှထွန်းသည် ပါတီတာဝန်မှ အနားယူခဲ့သည်။
ပြည်ခိုင်ဖြိုးပါတီ၏ စတုတ္ထအကြိမ်မြောက် ပါတီညီလာခံ(၂၀၂၆) ဗဟိုကော်မတီဝင် ၃၃၆ဦးနှင့် အရံဗဟိုကော်မတီဝင်၆၈ဦးအား အသစ်ထပ်မံရွေးချယ်ခဲ့ကြောင်း သိရသည်။
