ကရင်ပြည်နယ် ဘားအံမြို့ရှိ ဇွဲကပင် အားကစားကွင်းတွင် ပွဲကြည့်စင်ပါ (Indoor Stadium) အဆင့်မြင့်ရေကူးကန်နှင့် ဒိုင်ဗင်ကန်တည်ဆောက်ခြင်းလုပ်ငန်း ဆောင်ရွက်လျက်ရှိကြောင်း သိရသည်။
အဆိုပါလုပ်ငန်း ဆောင်ရွက်နေမှုကို စက်တင်ဘာ ၁၉ ရက်က အားကစားရေးရာဝန်ကြီးဌာန ဒုတိယဝန်ကြီး ဦးညီညီသည် ကရင်ပြည်နယ် လူမှုရေးရာဝန်ကြီးနှင့်အတူ ကြည့်ရှုစစ်ဆေးခဲ့သည်။
ကြည့်ရှုစဉ် အားကစားကွင်း/ အားကစားရုံများ အရည်အသွေးပြည့်မီကောင်းမွန်စေရေး၊ သတ်မှတ်စံချိန်/စံညွှန်းများနှင့်အညီ သတ်မှတ်ကာလအတွင်း အချိန်မီပြီးစီးစေရေးအတွက် လုပ်ငန်းဆောင်ရွက်နေမှုနှင့် တည်ဆောက်ပြီးစီးမှုကို မိမိတို့ဝန်ကြီးဌာနမှ ကြီးကြပ်စစ်ဆေးရေးဘုတ်အဖွဲ့များဖွဲ့စည်း၍ ပေးပို့ထားသည့်မှတ်တမ်းများ၊ ဒီဇိုင်းပုံစံများနှင့် အရည်အသွေးများအတိုင်း ကိုက်ညီမှုရှိ/မရှိ စစ်ဆေးပြီး မှတ်တမ်းများစနစ်တကျထားရှိဆောင်ရွက်၍ ပြန်လည်တင်ပြရန် တာဝန်ရှိသူများကို ပြောကြားခဲ့သည်။
