နေပြည်တော်၊ အောက်တိုဘာ ၁၅
မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့သည် သတင်းအရ သက်သေများနှင့်အတူ အောက်တိုဘာလ ၁၂ ရက်နေ့ ၁၄၀၀ အချိန် နောင်ချိုမြို့နယ်၊ မကျီးရေကျေးရွာအနီးတွင် စိုင်းဆောနန္ဒာ(ခ)အိုက်ပီး မောင်းနှင်ပြီး စိုင်းအိုက်စော နှင့် မနန်းဆိုင်ဖောင်း တို့လိုက်ပါလာသည့် TOYOTA KLUGER အမျိုးအစား မော်တော်ယာဉ်အား ရပ်တန့်စစ်ဆေးရှာဖွေရာ ယာဉ်ပေါ်တွင် သိုဝှက်သယ်ဆောင်လာသော စိတ်ကြွဆေးပြား ၆၁၀,၀၀၀ ပြား(ဒေသကာလတန်ဖိုးငွေကျပ်သိန်း ၃,၀၅၀)နှင့် လက်ကိုင်ဖုန်း ၃ လုံးတို့အား တွေ့ရှိသိမ်းဆည်းရမိခဲ့သည်။
အလားတူ အောက်တိုဘာလ ၁၃ ရက်နေ့ ၁၄၃၀ အချိန် မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့သည် သက်သေများနှင့်အတူ နောင်ချိုမြို့၊ ပါဟတ်ရပ်ကွက်အနီးတွင် မော်တော်ယာဉ်များအား စစ်ဆေးရှာဖွေစဉ် မပီခေါင်(ခ)မဖြူ မောင်းနှင်ပြီး မနန်းလှယုံ လိုက်ပါလာသည့် မော်တော်ဆိုင်ကယ်အား ရပ်တန့်စစ်ဆေးရှာဖွေရာ ၎င်းတို့ထံမှ စိတ်ကြွဆေးပြား ၂၆,၀၀၀ ပြား(ဒေသကာလတန်ဖိုးငွေကျပ်သိန်း ၁၃၀)နှင့် လက်ကိုင်ဖုန်း ၂ လုံးတို့အား တွေ့ရှိသိမ်းဆည်းရမိခဲ့သည်။
အဆိုပါ သိမ်းဆည်းရမိခဲ့သည့် စိတ်ကြွဆေးပြားများနှင့်စပ်လျဉ်း၍ စိုင်းဆောနန္ဒာ(ခ)အိုက်ပီး(၄၅)နှစ်၊ စိုင်းအိုက်စော(၄၃)နှစ်၊ မနန်းဆိုင်ဖောင်း(၄၀)နှစ်၊ မပီခေါင်(ခ)မဖြူ(၄၆)နှစ် နှင့် မနန်းလှယုံ(၄၂)နှစ်တို့အား နောင်ချိုမြို့မရဲစခန်းတွင် မူးယစ်ဆေးဝါးနှင့် စိတ်ကိုပြောင်းလဲစေသောဆေးဝါးများဆိုင်ရာဥပဒေအရ အမှုဖွင့် အရေးယူထားရှိပြီး ကွင်းဆက်များ ဆက်လက်ဖော်ထုတ်လျက်ရှိကြောင်း သိရသည်။
#Myanmar #News
