မြန်မာ -ထိုင်း နယ်စပ်စည်း ခြား သောင်ရင်းမြစ် ကို ဖြတ်ကျော်ပြီး ထိုင်းနိုင်ငံဘက်သို့ အောက်တိုဘာလ ၂၃ ရက်က ဝင်ရောက်လာခဲ့သော နိုင်ငံခြားသား ၁၁ဦးကိုု ထိုင်းလုံခြုံရေးတပ်ဖွဲ့က ဖမ်းဆီး ခဲ့ကြောင်းသိရသည်။
ထိုင်းနိုင်ငံ မဲဆောက် မြို့ အထူးတပ်ဖွဲ့မှ စစ်သည်များသည် သောင်ရင်းမြစ်ကမ်းစပ်တလျှောက်တွင် တရားမဝင်နယ်စပ်ဖြတ်ကျော် ဝင်ရောက်ခြင်း၊နယ်စပ်ဖြတ်ကျော်ရာဇဝတ်မှုခင်းများ မဖြစ်ပွားစေရေး လုံခြုံေရးဆောင်ရွက်နေစဉ် ဖမ်းဆီးခဲ့ခြင်း ဖြစ်သည်။
၂၀၂၅ ခုနှစ်၊ အောက်တိုဘာလ ၂၃ ရက်နေ့တွင် ထိုင်း-မြန်မာ နယ်စပ်မျဉ်းတစ်လျှောက်၊ တပ်ခရိုင် မဲဆောက်၊ တာ့ခ်ပြည်နယ်၌ ရာချမနူ အထူးတပ်ဖွဲ့၊ ခြေလျင်တပ်ခွဲ ၁၄၃၁ မှ တာ့ခ်ပြည်နယ်၊ တပ်ခရိုင် မဲဆောက်၊ တမ်ဘွန် မဲကာဆာ၊ မူ ၁၀၊ ဘန့်မိုင် ရိမ်မဲရွာ၊ သောင်ရင်းမြစ် ကမ်းစပ် တွင် နိုင်ငံခြားသားများတွေ့ရှိကြောင်း သတင်းပေးပို့ချက် အရ တာ့ခ်ပြည်နယ် လူဝင်မှုကြီးကြပ်ရေး ရဲတပ်ဖွဲ့ဝင်များနှင့်အတူ အဆိုပါနေရာအား စစ်ဆေးခဲ့ခြင်း ဖြစ်သည်။
သက်ဆိုင်ရာ ပူးပေါင်းအဖွဲ့ ၏ စစ်ဆေးမှုအရ နိုင်ငံခြားသား စုစုပေါင်း ၁၁ ဦး (နိုင်ငံသား ၇ မျိုး) ကို တွေ့ရှိခဲ့ရာ တရုတ်နိုင်ငံသား ၄ ဦး၊အိန္ဒိယနိုင်ငံသား ၂ ဦး၊ ပါကစ္စတန်နိုင်ငံသား ၁ ဦး၊နိုင်ဂျီးရီးယားနိုင်ငံသား ၁ ဦး၊ကင်ညာနိုင်ငံသား အမျိုးသား ၁ ဦး၊ဗီယက်နမ်နိုင်ငံသား အမျိုးသား ၁ ဦး၊အာဖရိကနိုင်ငံသား အမျိုးသား ၁ ဦး တို့ဖြစ်ကြောင်း သိရသည်။
အထူးတပ်ဖွဲ့မှ စစ်သည်များသည် ၎င်းတို့အား ထိန်းသိမ်းပြီး ဥပဒေလုပ်ထုံးလုပ်နည်းများအတိုင်း ဆက်လက် ဆောင်ရွက်နိုင်ရန် တာ့ခ်ပြည်နယ် လူဝင်မှုကြီးကြပ်ရေး စစ်ဆေးရေးဂိတ် (မဲဆောက် လူဝင်မှုကြီးကြပ်ရေး စစ်ဆေးရေးဂိတ်) သို့ လွှဲပြောင်းပေးအပ်ခဲ့ကြောင်း ဒေသတွင်း သတင်းများအရ သိရသည်။
REF,AEC Thai News
Photo AEC
