မြန်မာအမျိုးသားလေကြောင်း (MNA) ၏ (၇၈) နှစ်မြောက် အထိမ်းအမှတ်အဖြစ် ခရီးသွားပြည်သူများ ခရီးစဉ်များကို ပိုမိုအဆင်ပြေချောမွေ့စွာ သွားလာနိုင်ရေးနှင့် ခရီးဆောင်အိတ်များ ပိုမိုသယ်ဆောင်နိုင်ရေးအတွက် MNA ၏ ပြည်ပခရီးစဉ်များဖြစ်သော ဘန်ကောက်နှင့် စင်ကာပူ ခရီးစဉ်များတွင် All Economy Class များအတွက် ခွင့်ပြုခရီးဆောင်အိတ် အလေးချိန် (Baggage Allowance) ကို ၃၀ ကီလိုဂရမ် (30 KG) အထိ တိုးမြှင့်သတ်မှတ်ပေးသည့် အစီအစဉ်အား ထပ်မံရက်တိုးမြှင့်လိုက်ပြီဖြစ်ကြောင်း သိရှိရသည်။
အဆိုပါ Baggage Allowance တိုးမြှင့်ပေးသည့် အစီအစဉ်၏ သက်ရောက်မှုကာလ (Effective Date) မှာ ၂၀၂၆ ခုနှစ်၊ အောက်တိုဘာလ ၁ ရက်နေ့မှ အောက်တိုဘာလ ၃၁ ရက်နေ့အထိ ဖြစ်ပြီး MNA လေကြောင်းလိုင်း၏ ရန်ကုန်-ဘန်ကောက်-ရန်ကုန် နှင့် ရန်ကုန်-စင်ကာပူ-ရန်ကုန် ခရီးစဉ်များတွင် လိုက်ပါစီးနင်းမည့် Economy Class ခရီးသည် အားလုံးအတွက် အကျုံးဝင်မည်ဖြစ်သည်။
မြန်မာအမျိုးသားလေကြောင်းလိုင်းအနေဖြင့် ခရီးသွားပြည်သူများ၏ လိုအပ်ချက်များကို ဖြည့်ဆည်းပေးနိုင်ရေးနှင့် ဝန်ဆောင်မှုကောင်းများ ပေးအပ်နိုင်ရေးအတွက် ယခုကဲ့သို့ အခွင့်အရေးများကို တိုးမြှင့်ဆောင်ရွက်ပေးခြင်းဖြစ်ပြီး လက်မှတ်ဝယ်ယူခြင်းနှင့် ခရီးစဉ်အသေးစိတ် အချက်အလက်များကို MNA ၏ တည်ဆောက်ထားသော Ticketing Sales Agents များ၊ တရားဝင် Website (www.flymna.com) နှင့် Mobile Application တို့မှတစ်ဆင့် ဆက်သွယ်စုံစမ်း ဝယ်ယူနိုင်ကြောင်း သတင်းရရှိသည်။
