တပ်ကုန်း၊ နိုဝင်ဘာ ၁၁
ပြည်ထောင်စုနယ်မြေ၊ နေပြည်တော်တပ်ကုန်းမြို့နယ်အတွင်း မိုးအဆက်မပြတ်ရွာသွန်းမှုကြောင့် ယနေ့နံနက်ပိုင်းက ဗိုလ်မင်းရောင်ရပ်ကွက်၊ နယ်မြေ(၁၀)၊ မီးရထားဝန်ထမ်းလိုင်းခန်းနှင့်ရထား သံလမ်းကြား လုံးပတ်ရှစ်ပေခန့်၊ အရှည် ၅၀ပေခန့် ကုက္ကိုလ်ပင်၊ မကျီးပင်ကျေးရွာအထက်တန်း ကျောင်းဝင်း၊ အော်ရေရှားပင်တို့ အမြစ်လန်လဲပျိုမှုဖြစ်ပွား၍လည်းကောင်း၊ သပြေချောင်းကျေး ရွာ၊ ရွှေမြို့ကျေးရွာကြား ကိုယ်ထူကိုထတည်ဆောက်ထားသည့် အရှည် ၂၆၀ပေ၊ အကျယ် ၁၃ပေ ဆင်သေချောင်းကူးတံတား ရေစီးနှင့်မျောပါပျက်စီးမှုဖြစ်ခဲ့သည်။
အဆိုပါနေရာများသို့ မြို့နယ်စီမံခန့်ခွဲရေးနှင့်အုပ်ချုပ်ရေးကော်မတီဥက္ကဋ္ဌ ဦးအောင်သူ၊ မြို့နယ်မီးသတ်ဦးစီးမှူး ဦးဟိန်းအောင်ကျော်နှင့်တပ်ဖွဲ့ဝင်များ၊ မြို့နယ်အဆင့်ဌာနဆိုင်ရာ တာဝန်ရှိသူများ၊ မြို့နယ်ပြည်သူ့လုံခြုံရေးနှင့်အကြမ်းဖက်နှိမ်နင်းရေးတပ်ဖွဲ့ဝင်များ ရှင်းလင်းကူညီဆောင်ရွက်ခဲ့ကြောင်းနှင့် လူ/တိရစ္ဆာန်ထိခိုက်မှုမရှိကြောင်း သိရသည်။
တင်စိုးလွင်
#News #Myanmar
