
မြန်မာနိုင်ငံဆိုင်ရာ တရုတ်သံရုံးက ကမ္ဘာလုံးဆိုင်ရာ အစီအမံကြီးလေးရပ်နှင့်ပတ်သက်သည့် ဆွေးနွေးပွဲ ပြုလုပ်ခဲ့သည်။
ဆွေးနွေးပွဲကို နိုဝင်ဘာ ၁၇ ရက်က Wyndham Grand Yangon Hote တွင် ပြုလုပ်ခဲ့ပြီး မြန်မာနိုင်ငံဆိုင်ရာ တရုတ်သံအမတ်ကြီး Ms. Ma Jia က တရုတ်နိုင်ငံအနေဖြင့် မြန်မာနိုင်ငံနှင့်အတူ နယ်ပယ်အသီးသီးတွင် လက်တွေ့ကျသော ပူးပေါင်းဆောင်ရွက်မှုများကို ပိုမိုနက်ရှိုင်းစေရန်၊ ကမ္ဘာလုံးဆိုင်ရာ အစီအမံ (၄) ရပ်ကို လက်တွဲ အကောင် အထည်ဖော်ရန်နှင့် တရုတ်-မြန်မာ အေးအတူပူအမျှ အသိုက်အဝန်း တည်ဆောက်ရေးလုပ်ငန်းစဉ်ကို ပိုမိုခိုင်မာစွာ ရှေ့ဆက်တိုးမြှင့်သွားရန် ဆန္ဒရှိကြောင်း ပြောကြားသည်။
ယင်းနောက် တက်ရောက်လာသူများက ကမ္ဘာလုံးဆိုင်ရာ အစီအမံကြီးလေးရပ်နှင့် ပတ်သက်ပြီး ဆွေးနွေးခဲ့ကြကြောင်း သိရသည်။
အဆိုပါအခမ်းအနားသို့ တရုတ်သံအမတ်ကြီး Ms. Ma Jia၊ ပြန်ကြားရေးဝန်ကြီးဌာနမှ တာဝန်ရှိသူအချို့၊ ပြည်သူ့လွှတ်တော် ကိုယ်စားလှယ်၊ တရုတ်-မြန်မာ နှစ်နိုင်ငံမှ မီဒီယာပေါင်း (၄၀) ကျော်၊ Think Tank နှင့် ပညာရှင်မိတ်ဆွေများ စုစုပေါင်းလူဦးရေ (၁၆၀) ကျော် တက်ရောက်ခဲ့ကြပြီး သံမှူးကြီး Mr. Shen Dan မှ အခမ်းအနားသဘာပတိအဖြစ် ဆောင်ရွက်ခဲ့ကြောင်း သိရသည်။