ဒီရာသီမှာ ဥရောပပြိုင်ပွဲ(၃)ခုဖြစ်တဲ့ ချန်ပီယံလိဂ်၊ ယူရိုပါလိဂ်နဲ့ ကွန်းဖရန့်လိဂ်မှာ ဝင်ရောက်ယှဉ်ပြိုင်ခဲ့ကြတဲ့ အင်္ဂလန်ကလပ်(၉)သင်းစလုံး (၁၆)သင်းအဆင့်ကို တက်ရောက်နိုင်ခဲ့ကြောင်း သိရပါတယ်။
ချန်ပီယံလိဂ်ပြိုင်ပွဲမှာ လီဗာပူးလ်၊ အာဆင်နယ်၊ မန်စီးတီး၊ ချယ်လ်ဆီး၊ နယူးကာဆယ်နဲ့ စပါးတို့ ယှဉ်ပြိုင်ခွင့်ရခဲ့ပြီး အားလုံး (၁၆)သင်းအဆင့်ကို တက်ရောက်နိုင်ခဲ့သလို၊ ယူရိုပါလိဂ်ယှဉ်ပြိုင်ခွင့်ရခဲ့တဲ့ အက်စတွန်ဗီလာနဲ့ နော်တင်ဟမ်ဖောရက်စ်၊ ကွန်းဖရန့်လိဂ်ယှဉ်ပြိုင်ခွင့်ရခဲ့တဲ့ ခရစ္စတယ်ပဲလေ့စ်တို့လည်း (၁၆)သင်းအဆင့်ကို တက်ရောက်နိုင်ခဲ့တာပါ။
မနေ့က ယှဉ်ပြိုင်ခဲ့တဲ့ ယူရိုပါလိဂ် ဒုတိယအကျော့မှာ နော်တင်ဟမ်ဖောရက်စ်က ဖီနာဘာချီကို (၁-၂)ဂိုးနဲ့ ရှုံးနိမ့်ခဲ့ပေမဲ့ ပထမအကျော့မှာ (၃-၀)ဂိုးနဲ့ အနိုင်ရထားတာကြောင့် နှစ်ကျော့ပေါင်း(၄-၂)ဂိုးနဲ့ (၁၆)သင်းအဆင့် တက်ရောက်နိုင်ခဲ့ပါတယ်။
ကွန်းဖရန့်လိဂ်မှာ ကစားခဲ့တဲ့ ခရစ္စတယ်ပဲလေ့စ်ကတော့ ပထမအကျော့မှာ (၁-၁)ဂိုးနဲ့ သရေကျခဲ့ပေမဲ့ ဒုတိယအကျော့မှာ (၂-၀)ဂိုးနဲ့ အနိုင်ယူပြီး နှစ်ကျော့ပေါင်း(၃-၁)ဂိုးနဲ့ (၁၆)သင်းအဆင့်ကို တက်ရောက်နိုင်ခဲ့တာပါ။
ဒီပြိုင်ပွဲ(၃)ခုရဲ့ (၁၆)သင်းအဆင့်နဲ့ နောက်ပိုင်းအဆင့်တွေအတွက် မဲခွဲပွဲတွေကို ဒီနေ့ ပြုလုပ်သွားမှာဖြစ်ပြီး မြန်မာစံတော်ချိန် ညနေ(၅း၃၀)နာရီမှာ စတင်မှာဖြစ်ကြောင်း သိရပါတယ်။
