သရက်သီးစိုက်ပျိုးရေး နည်းပညာသင်တန်း အခမဲ့လျှောက်လွှာခေါ်ယူ

မန္တလေး၊ ဇူလိုင် ၃၀
မန္တလေးမြို့အခြေစိုက် တရုတ်ပြည်သူ့သမ္မတနိုင်ငံ ကောင်စစ်ဝန်ချုပ်ရုံး၊ မန္တလေးတိုင်းဒေသကြီး ကုန်သည်များနှင့် စက်မှုလက်မှုလုပ်ငန်းရှင်များအသင်း (MRCCI) နှင့် တက်ဟုန်းပြည်နယ်ခွဲ ကုန်သည်ကြီးများအသင်း မြန်မာနိုင်ငံကိုယ်စားလှယ်ရုံး (DHCC) တို့ ပူးပေါင်းဖွင့်လှစ်မည့် သရက်သီးစိုက်ပျိုးရေး နည်းပညာသင်တန်းအတွက် လျှောက်လွှာများ စတင်ခေါ်ယူနေကြောင်း သိရသည်။

အဆိုပါသင်တန်းကို သင်တန်းကြေး အခမဲ့ဖြင့် ၂၀၂၆ ခုနှစ် ဩဂုတ် ၃ ရက်မှ ၄ ရက်အထိ နေ့စဉ် နံနက် ၉ နာရီမှ ညနေ ၄ နာရီအထိ မန္တလေးမြို့၊ ချမ်းအေးသာစံမြို့နယ်ရှိ MRCCI ရုံး (ရတနာပုံစူပါစင်တာ စတုတ္ထထပ်) တွင် ကျင်းပမည်ဖြစ်သည်။ သင်တန်းတက်ရောက်ခွင့် ရရှိသူများအနေဖြင့် သင်တန်းကာလတစ်လျှောက် အချိန်ပြည့် တက်ရောက်ရမည် ဖြစ်သည်။

သင်တန်းတက်ရောက်လိုသူများသည် သတ်မှတ်လျှောက်လွှာပုံစံကို ဖြည့်စွက်၍ ၂၀၂၆ ခုနှစ် ဇူလိုင် ၃၁ ရက် ညနေ ၂ နာရီ နောက်ဆုံးထားကာ MRCCI ရုံးသို့ ပေးပို့လျှောက်ထားရမည် ဖြစ်ပြီး သင်တန်းဆရာများက စိစစ်ရွေးချယ်သွားမည် ဖြစ်သည်။
သင်တန်းနှင့်ပတ်သက်၍ အသေးစိတ်သိရှိလိုပါက MRCCI ဖုန်းနံပါတ် ၀၉-၄၂၀၀၈၉၄၉၀၊ ၀၉-၂၀၅၁၀၆၃ နှင့် ၀၂-၄၀၆၉၃၁၁ တို့သို့ ဆက်သွယ်စုံစမ်းနိုင်ကြောင်း သိရသည်။