ကရင်ပြည်နယ်၊ မြဝတီခရိုင် မြဝတီမြို့နယ် တွင် နိုင်ငံတော်အစိုးရ၏ ရက်တစ်ရာ စီမံချက် ဖြင့်ဆောင်ရွက်သော ကျေးရွာမြေငှားဂရမ်ပေးအပ်ပွဲအခမ်းအနားကို ဇူလိုင်လ ၃၀ ရက်နံနက် ၁ဝးဝဝနာရီခန့်က မြို့တော်ခန်းမ ( မြစန္ဒီခမ်းမ) ၌ ကျင်းပပြုလုပ်ခဲ့ကြောင်းသိရသည်။
နိုင်ငံတော်အစိုးရ၏ရက် ၁၀၀ စီမံချက်ဖြင့်ဆောင်ရွက်သောကျေးရွာမြေငှားဂရမ်ပေးအပ်ပွဲ အခမ်းအနား သို့ကရင်ပြည်နယ်လွှတ်တော်ဒုတိယဥက္ကဌဦးအေးမင်းထွေးတက်ရောက်ပြီးအဖွင့်အမှာ
စကားပြောကြားပေးသည်။ထို့နောက်ခရိုင်အုပ်ချုပ်ရေးမှူးဦးရဲလင်းမောင်က ရက် ၁ဝဝစီမံချက်ဖြင့် ဆောင်ရွက်လျက်ရှိသောကျေးရွာမြေငှားဂရမ်ဆောင်ရွက်မှုများနှင့်ပတ်သက်၍ရှင်းလင်းတင်ပြပေးသည်။
ထို့နောက် မြဝတီမြို့နယ်သဃ်န်းညီနောင်နှင့်မဲကနယ်ကျေးရွာအုပ်စုတွင် နေထိုင်သော ပြည်သူ ၂၆၀ ဦး၏ ခြံမြေ ငှားဂရမ်များ၊ဖားချောင်းကျေးရွာအုပ်စုတွင်နေထိုင်သော ပြည်သူ ၆၅ ဦးတို့ အား လွှတ်တော်ဒုဥက္ကဌနှင့် တာဝန်ရှိသူများက ကျေးရွာမြေငှားဂရမ်များကိုအသီးသီးပေးအပ်ခဲ့ရာ ကျေးရွာသွား ၂၁ဦးက တက်ရောက်လက်ခံယူခဲ့ကြောင်းသိရသည်။
ထို့နောက်ကျေးရွာမြေငှားဂရမ်ရရှိသူ သဃ်န်းညီနောင် ကျေးရွာသား ဦးသန်းထွန်းက ကျေးဇူးတင်စကားပြောကြားရာတွင် အထောက်အထားမဲ့ နေလာခဲ့ကြသည့်ဘဝမှ မြေဂရမ်ပိုင်ဆိုင်မှုရရှိလာသည့်အတွက် ဘဝ နေထိုင်မှုတွင် ခိုင်မာမှု၊လုံခြုံမှု ရှိလာသည်ဟု ခံစားရကြောင်း ပြောကြားခဲ့သည်။
ထို့နောက် ဖားချောင်းကျေးရွာ၌နေထိုင်သူ အမျိုးသမီး တစ်ဦးကလည်း မြေဂရမ်ရရှိရေးအတွက်ဆောင်ရွက်ပေးကြသူအားလုံး ကို ကျေးဇူးတင်စကားများပြောကြားခဲ့ ကြောင်းသိရသည်။
ထို့နောက် သက်ဆိုင်ရာတာဝန်ရှိသူများနှင့် မြေငှား ဂရမ်ရရှိသူများ အမှတ်တရ ဓါတ်ပုံ ရိုက်ကြပြီး အခန်းအနားကိုနံနက် ၁၁ နာရီခွဲအချိန်တွင်ရုပ်သိမ်းခဲ့ကြောင်း သိရသည်။
