နေပြည်တော်၊ ဩဂုတ် ၁
ပထမအကြိမ်အဖြစ် ကျင်းပမည့် FIFA ASEAN Cup 2026 ပြိုင်ပွဲကို ၂၀၂၆ ခုနှစ် စက်တင်ဘာ ၂၁ ရက်မှ အောက်တိုဘာ ၆ ရက်အထိ အင်ဒိုနီးရှားနိုင်ငံနှင့် ဟောင်ကောင်တို့တွင် ကျင်းပသွားမည်ဖြစ်ပြီး မြန်မာအသင်းသည် Challenge Division ပြိုင်ပွဲတွင် ဝင်ရောက်ယှဉ်ပြိုင်သွားမည်ဖြစ်ကြောင်း သိရသည်။
ပြိုင်ပွဲကို FIFA အဆင့်သတ်မှတ်ချက်များအရ Premier Division နှင့် Challenge Division ဟူ၍ နှစ်ဆင့်ခွဲကျင်းပမည်ဖြစ်သည်။ Premier Division ပြိုင်ပွဲကို အင်ဒိုနီးရှားနိုင်ငံ၌ ကျင်းပမည်ဖြစ်ပြီး အုပ်စု (A) တွင် အင်ဒိုနီးရှား၊ အိန္ဒိယ၊ မလေးရှား၊ စင်ကာပူတို့ ပါဝင်ကာ အုပ်စု (B) တွင် ဗီယက်နမ်၊ ပါကစ္စတန်၊ ထိုင်းနှင့် ဖိလစ်ပိုင်တို့ ယှဉ်ပြိုင်ကြမည်ဖြစ်သည်။
မြန်မာအသင်း ပါဝင်မည့် Challenge Division ပြိုင်ပွဲကို ဟောင်ကောင်၌ ကျင်းပမည်ဖြစ်ပြီး အုပ်စု (A) တွင် အိမ်ရှင်ဟောင်ကောင်၊ မြန်မာနှင့် ဘရူနိုင်းတို့ ပါဝင်ကာ အုပ်စု (B) တွင် ကမ္ဘောဒီးယား၊ လာအိုနှင့် တီမောတို့ ပါဝင်ယှဉ်ပြိုင်ကြမည် ဖြစ်သည်။
Premier Division နှင့် Challenge Division နှစ်ခုစလုံးတွင် အုပ်စုဗိုလ် ရရှိသည့် အသင်းနှစ်သင်းက ဗိုလ်လုပွဲသို့ တက်ရောက်မည်ဖြစ်ပြီး အုပ်စုဒုတိယ ရရှိသည့် အသင်းများက တတိယနေရာလုပွဲ ယှဉ်ပြိုင်ရမည်ဖြစ်ကြောင်း ပြိုင်ပွဲကျင်းပရေးအဖွဲ့၏ ထုတ်ပြန်ချက်အရ သိရသည်။
