မြန်မာနိုင်ငံကူးလက်မှတ် သက်တမ်းတိုးရန် ၅ နှစ်နှင့်အထက် ပျ-က်ကွက်ပါက ပြည်တွင်း၌သာ ပြန်လည်ဆောင်ရွက်ရမည်ဟု တိုကျိုရှိ မြန်မာသံရုံးထုတ်ပြန်

တိုကျို၊ ဩဂုတ် ၁၃

ဂျပန်နိုင်ငံတွင် ရောက်ရှိနေထိုင်ပြီး အလုပ်လုပ်ကိုင်လျက်ရှိသည့် မြန်မာနိုင်ငံသားများအနေဖြင့် နိုင်ငံကူးလက်မှတ် (Passport) သက်တမ်းတိုးရန် ၅ နှစ်နှင့်အထက် ပျ-က်ကွက်နေပါက မြန်မာနိုင်ငံသို့ ပြန်လည်၍ သက်တမ်းတိုး ဆောင်ရွက်ရမည်ဖြစ်ကြောင်း တိုကျိုမြို့ရှိ မြန်မာသံရုံးက အသိပေး ထုတ်ပြန်လိုက်သည်။

အဆိုပါ မြန်မာနိုင်ငံသို့ ပြန်လည် ထွက်ခွာနိုင်ရေးအတွက် မြန်မာသံရုံးအနေဖြင့် မည်သူမည်ဝါဖြစ်ကြောင်း သက်သေခံလက်မှတ် (C of I) ထုတ်ပေးသွားမည်ဖြစ်ကြောင်း သိရသည်။

လက်ရှိတွင် မြန်မာသံရုံး (တိုကျိုမြို့) အနေဖြင့် ဂျပန်နိုင်ငံရောက် မြန်မာနိုင်ငံသားများ၏ ကောင်စစ်ဆိုင်ရာ ကိစ္စရပ်များကို လူကိုယ်တိုင်သော်လည်းကောင်း၊ စာတိုက်မှတစ်ဆင့်သော်လည်းကောင်း လက်ခံဆောင်ရွက်ပေးလျက်ရှိသည်။

ထို့ကြောင့် ဂျပန်နိုင်ငံရောက် မြန်မာနိုင်ငံသားများအနေဖြင့် မိမိတို့၏ နိုင်ငံကူးလက်မှတ်များကို သက်တမ်းမကုန်ဆုံးမီ ၆ လအလိုကတည်းက ကြိုတင်၍ သက်တမ်းတိုး ဆောင်ရွက်ကြရန် မြန်မာသံရုံးက တိုက်တွန်း နှိုးဆော်ထားသည်။