ဟမ်းဘတ်အသင်းဟာ အာဆင်နယ်အသင်းရဲ့ ပေါ်တူဂီကွင်းလယ်ကစားသမား ဗီအဲရာကို ယူရို(၉)သန်းနဲ့ အပြီးသတ်ခေါ်ယူဖို့ သဘောတူညီမှု ရရှိခဲ့ကြောင်း သိရပါတယ်။
ဟမ်းဘတ်အသင်းက ဗီအဲရာ(၂၆ နှစ်)ကို ပြီးခဲ့တဲ့ရာသီမှာ အငှားနဲ့ ခေါ်ယူခဲ့ပြီး အခု အပြီးသတ်ခေါ်ယူဖို့ ကမ်းလှမ်းခဲ့ခြင်းဖြစ်ပါတယ်။
ဗီအဲရာက ၂၀၂၂ နွေရာသီမှာ ပေါ်တိုကနေ အာဆင်နယ်အသင်းကို ယူရို(၃၅)သန်းနဲ့ ပြောင်းရွှေ့ခဲ့သူဖြစ်ပြီး အာဆင်နယ်အသင်းအတွက် ပြိုင်ပွဲစုံ(၄၉)ပွဲသာ ကစားခွင့်ရခဲ့ပါတယ်။
၂၀၂၄-၂၅ ရာသီမှာ ပေါ်တိုအသင်းထံ ပြန်လည်အငှားချခဲ့ပြီး ၂၀၂၅-၂၆ ရာသီမှာတော့ ဟမ်းဘတ်အသင်းထံ အငှားချခဲ့တာပါ။
အာဆင်နယ်အသင်းက လက်ရှိအချိန်မှာ အရည်အသွေးမြင့်ကစားသမားတွေ အားဖြည့်ပြီး အလယ်အလတ်တန်းစား ကစားသမားတွေကို ပြန်လည်ရောင်းထုတ်နေတာကြောင့် ဗီအဲရာကိုလည်း နည်းပါးတဲ့ ပြောင်းရွှေ့ကြေးနဲ့ ရောင်းထုတ်ခဲ့ခြင်းဖြစ်ကြောင်း သိရပါတယ်။
ဟမ်းဘတ်အသင်းက ဗီအဲရာကို ၂၀၃၀ ခုနှစ်အထိ စာချုပ်ချုပ်ဆိုမှာဖြစ်ကြောင်း သိရပါတယ်။
