ရန်ကုန်-မန္တလေးအမြန်လမ်းတွင် ကြိုတင်​ငွေ​ပေးသွင်း၍ အလိုအ​လျောက်​လမ်းအသုံးပြုခ​​ကောက်ခံ​သော စနစ်ကို စက်တင်ဘာ ၁၇ ရက်မှစ၍ ကောက်ခံအသုံးပြုသွားမည်

ရန်ကုန်-မန္တလေးအမြန်လမ်းတွင် ကြိုတင်​ငွေ​ပေးသွင်း၍ အလိုအ​လျောက်​လမ်းအသုံးပြုခ​​ကောက်ခံ​သော စနစ်ကိုအသုံးပြု၍ ခရီးသွားလို​သောပြည်သူများအတွက် TollPass RFID စနစ်ကို စက်တင်ဘာ ၁၇ ရက် မှစတင်၍​ နေ့စဉ်ပိတ်ရက်မရှိ နံနက် ၉ နာရီ ၃၀ မိနစ်မှ ညနေ ၄ နာရီ ၃၀ မိနစ်အထိ ဖွင့်လှစ်​ရောင်းချတပ်ဆင်​ပေးသွား​မည်ဖြစ်ကြောင်း အမြန်လမ်းမကြီးထိန်းသိမ်းပြုပြင်ရေးနှင့် ကြီးကြပ်ရေးအဖွဲ့ထံက သိရသည်။

ကနဦးဝန်​ဆောင်မှု​ပေးမည့်​နေရာများမှာ ရန်ကုန်-မန္တလေးအမြန် လမ်းမကြီး၏ (ဝမိုင်ရဖာလုံ) အမှတ်(၃)တိုးဂိတ်၊ (၂၀၁မိုင် ၃ဖာလုံ) စီလမ်းဆုံ တိုးဂိတ်နှင့် (၃၅၂မိုင် ၄ဖာလုံ) စကားအင်းတိုးဂိတ်များရှိ TollPass Counter များဖြစ်ပြီး တပ်ဆင်လိုသည့်ယာဉ်ပိုင်ရှင်များအ​နေဖြင့် TollPass RFID စနစ် အသုံးပြုနိုင်ရန် (၁) စမတ်ဖုန်း Smart Phone (၂) တပ်ဆင်မည့်ယာဉ် (၃)ကညန ယာဉ်မှတ်ပုံတင်(ဝှီးတက်) Vehicle Registration Card (Wheel Tax) တို့ကို ယူ​ဆောင်လာရန်လိုအပ်မည်ဖြစ်ကြောင်း သိရသည်။

TollPass မှတ်ပုံတင်ခြင်းလုပ်ငန်းစဉ်များအ​နေဖြင့်၊ Smart Phone ဖြင့် မှတ်ပုံတင်၍ Applicationထည့်သွင်းခြင်း ၊ ယာဉ်အချက် အလက်များအား မှတ်တမ်းတင်ခြင်း၊ ယာဉ်တွင် RFID Sticker ကပ်ခြင်း ၊ TollPass Unit TPU ၅၀၀၀ နှင့်အထက်ကြိုတင်ဖြည့်သွင်းခြင်း (အနည်းဆုံး ၅၀၀၀ ကျပ်) ၊RFID Sticker နှင့် တစ်နှစ်စာဝန်ဆောင်ခအတွက် ၂၀၀၀၀ ကျပ် (ကတ်အသစ်တပ်ဆင်တိုင်းပေးဆောင်ရမည်)တို့ကို​ဆောင်ရွက်​ပေးမည်ဖြစ်ကြောင်း သိရသည်။

TollPass စနစ်တပ်ဆင်ပြီးပါက ရန်ကုန်-မန္တ​လေးအမြန်လမ်းသို့ဝင်​ရောက်ရာတွင် Toll Gate များရှိ TollPass သီးသန့်ယာဉ်​ကြောမှအများဆုံး 20 km/hr နှုန်းဖြင့်​သာမောင်းရမည်ဖြစ်ပြီး ​ယာဉ်ဝင်လာသည်နှင့်တပြိုင်နက် ​မောင်းတံအလိုအ​လျောက်ပွင့်သွားကာ ​လမ်းအသုံးပြုခ​ပေးရန်တန်းစီ​စောင့်ဆိုင်းစရာမလိုဘဲ ဆက်လက်​မောင်းနှင်နိုင်မည်ဖြစ်ကြောင်း၊ ထိုသို့ဖြတ်သန်းခြင်းအတွက်လမ်းအသုံးပြုခကောက်ခံမည့်စနစ်မှာ တိုးဂိတ်(၂)ခုအကြား အကွာအဝေးအတိုင်း လမ်းဦးစီးဌာနကသတ်မှတ်ထား​သော ယာဉ် Class အလိုက်နှုန်းထားများအတိုင်း ကောက်ခံသွားမည်ဖြစ်ကာ (ဥပမာအားဖြင့် ၀ မိုင် အမှတ်(၃) ဂိတ်သို့ ​ရန်ကုန်မှလာသောClass 1 ယာဉ်အတွက် ၁၁၅ မိုင် ဖြူးတိုးဂိတ်အထိ 1500 TPU သတ်မှတ်ဖြတ်​တောက်၍ကောက်ခံပါမည်။)ဖြစ်ကြောင်း ၊ TollPass စနစ်အသုံးပြုသူများအ​နေဖြင့် မိမိပေးသွင်းပြီး သော ငွေမှာ TollPass Unit (TPU) စနစ်သို့ ပြောင်းလဲပြီးဖြစ်၍ ပြန်အမ်းငွေ ထုတ်ယူ၍ မရနိုင်ကြောင်း၊ TollPass Unit (TPU) များ၏ သက်တမ်းမှာRFID စတစ်ကာ စတင်ထုတ်​ပေးသည့်ရက်မှ စ၍(၁)နှစ်တိတိဖြစ်ပြီး စက်တင်ဘာ ၁၇ ရက်​မှ စတင်​ရောင်းချရာတွင် ​​ငွေ​ပေး​ချေမှုများကို ​ငွေသားဖြင့်သာလက်ခံမည်ဖြစ်​သော်လည်း မကြာမီ အွန်လိုင်း​ငွေ​ပေး​ချေစနစ်များဖြစ်​သော MMQR , KBZ Pay, AYA Pay, WAVE Pay တို့ဖြင့်​ပေး​ချေနိုင်မည်ဖြစ်ကြောင်း အမြန်လမ်းမကြီးထိန်းသိမ်းပြုပြင်ရေးနှင့် ကြီးကြပ်ရေးအဖွဲ့က ထုတ်ပြန်သည််။

TollPass RFID စနစ်သည် ယခင်Ez Go ETC စနစ်ကဲ့သို့ Onboard Unit OBU စက်များတပ်ဆင်ပြီး ကတ်များဖြင့်​ကိုယ်တိုင်လာ​ရောက်​ငွေဖြည့်ရန်မလို​တော့ဘဲ အွန်လိုင်း​ငွေလွှဲစနစ်ဖြင့်​TPU ဖြည့်(Top Up)နိုင်ခြင်း၊ ဖုန်းအက်ပ်မှတဆင့်မိမိယာဉ်အတွက် TPU လက်ကျန်၊ဖြတ်သန်းခဲ့​သောခရီး၊ ​လမ်းအသုံးပြုTPU ဖြတ်​တောက်မှုတို့ကို အချိန်မ​ရွေးစစ်​ဆေးနိုင်ခြင်းတို့​ကြောင့် ပိုမိုလွယ်ကူ/ကျစ်လျစ်/လုံခြုံစိတ်ချရ​သောစနစ်ဖြစ်ပြီး TollPass စနစ်မှာ ရန်ကုန်မှမန္တ​လေးအထိ အမြန်လမ်းတ​လျှောက် တိုးဂိတ်ကြီး ၆ ဂိတ် အားလွယ်ကူစွာဖြတ်သန်းနိုင်​ရေးအတွက် အချိန်တိုကာလအတွင်းကြိုးပမ်းတပ်ဆင်ရသည့်အတွက် တပ်ဆင်ကာစ ကာလများအတွင်း software error , barrier error များ​ကြောင့် TollPass စနစ်သုံးခရီးသွားပြည်သူများ အဆင်မ​ပြေမှုများရှိခဲ့ပါက ခွင့်လွှတ်ပါရန်နှင့် ​မည်ကဲ့သို့ အဆင်မ​ပြေ​ကြောင်းကို Hotline ဖုန်းနံပတ်များသို့ ဆက်သွယ်​ပြောကြား​ပေးရန်နှင့် TollPass စတင်တပ်ဆင်လိုသူများနှင့် တပ်ဆင်ပြီးကြုံ​တွေ့ရ​သော အခက်အခဲများကို ​ဖြေရှင်း​ပေး​ရေး ဆက်သွယ်ရန်မှာ Hotline: 09792574060 , 09778888861 တို့ဖြစ်ကြောင်း အမြန်လမ်းမကြီးထိန်းသိမ်းပြုပြင်ရေးနှင့် ကြီးကြပ်ရေးအဖွဲ့က သတင်းထုတ်ပြန်သည််။

ယင်းကြောင့် Yangon-Mandalay Expressway Webportal-အမြန်လမ်း ထိန်း/ပြင်/ကြီးကြပ်ရေးအဖွဲ့ facebook Page တွင် ယာဉ်ပိုင်ရှင်များအတွက် စမတ်ဖုန်းအက်ပ် My TollPass Application အား ​Download ရယူနိုင်ကြောင်း သိရသည်။