အောက်တိုဘာ - ၈ ( ကြာသပတေးနေ့ )
အမေရိကန် နိုင်ငံခြားရေးဝန်ကြီး မာကို ရူဘီယို ဟာ နယ်စပ်ဂိတ်တွေ အဆမတန် ဖွင့်လှစ်ထားမှု၊ ကမ္ဘာလုံးဆိုင်ရာလူသားဝါဒ နဲ့ ဥရောပမှာ အမျိုးသား အချုပ်အခြာအာဏာ ပျက်စီးလာမှုတို့အပေါ် အေသင်မြို့ရဲ့ ရှေးဟောင်း ဗဟိုချက်မနေရာကနေ ပြင်းပြင်းထန်ထန် ဝေဖန်တိုက်ခိုက်လိုက်ပြီး၊ အနောက်နိုင်ငံတွေအနေနဲ့ "ယိုယွင်းပျက်စီးမှု၊ ကျေးကျွန်ဖြစ်မှုနဲ့ ကျဆင်းမှု" ထဲကို လျှောကျသွားမယ့် အန္တရာယ်ရှိနေတယ်လို့ သတိပေးလိုက်ပါတယ်။
အက်ခရိုပိုလစ် တောင်ကုန်းအောက်ရှိ ရှေးဟောင်း လူထုအစည်းအဝေးနေရာဖြစ်တဲ့ ပန်းနိက်စ် ကနေ ဗုဒ္ဓဟူးနေ့မှာ ပြောကြားရာမှာ ရူဘီယိုက အနောက်နိုင်ငံ အစိုးရတွေဟာ သူတို့ရဲ့ ယဉ်ကျေးမှုကို အောင်မြင်စေခဲ့တဲ့ အခြေခံမူတွေကိုပဲ ရာစုနှစ်ပေါင်းများစွာ ကြာအောင် ကိုယ်တိုင် ပြန်လည်ဖြိုဖျက်ခဲ့ကြတယ်လို့ ထောက်ပြခဲ့ပါတယ်။
" 'အမျိုးသားရေးဝါဒ' ဆိုတာ ပုပ်စပ်နေတဲ့ စကားလုံးတစ်လုံး ဖြစ်လာခဲ့ပါတယ်။ ဒါကြောင့် ကျနော်တို့ဟာ ကိုယ့်ရဲ့ အထိမ်းအမှတ် ကျောက်တိုင်တွေကို ဖြိုဖျက်ခဲ့ကြတယ်၊ ကိုယ့်သမိုင်းကြောင်းကို ကိုယ်တိုင် ရှုတ်ချခဲ့ကြတယ်၊ နေရာတော်တော်များများမှာဆိုရင် ကလေးတွေကို သူတို့ ဆက်ခံရမယ့် နိုင်ငံအပေါ် ရှက်ရွံ့အားငယ်စိတ်ဝင်အောင် သင်ကြားပေးခဲ့ကြတယ်" လို့ ရူဘီယိုက ပြောပါတယ်။
"ဒီလိုလုပ်ရပ်တွေကြားထဲမှာတင် ကျနော်တို့ဟာ နယ်စပ်တွေကို လှစ်ဟဖွင့်ပေးခဲ့ကြတယ်၊ စက်မှုလုပ်ငန်းတွေကို အပြင်ကို ထုတ်ပေးလိုက်ကြတယ်၊ ကိုယ့်ရဲ့ စစ်တပ်တွေကိုလည်း အားနည်းယိုယွင်း ပျက်စီးသွားအောင် လွှတ်ထားခဲ့ကြတယ်" လို့လည်း သူက ပေါင်းစပ်ပြောကြားခဲ့ပါတယ်။
ရူဘီယိုက ဥရောပ နိုင်ငံရေးအသိုင်းအဝိုင်း အများစု လက်ခံထားကြတဲ့ ကမ္ဘာလုံးဆိုင်ရာ ဝါဒ ချဉ်းကပ်ပုံနဲ့ ထရမ့်အစိုးရရဲ့ "အမေရိကန် ပထမ" ဝါဒတို့ကို နှိုင်းယှဉ်ပြခဲ့ပြီး၊ အစိုးရတွေမှာ နိုင်ငံတကာ အဖွဲ့အစည်းတွေထက် မိမိတို့ရဲ့ ကိုယ်ပိုင်နိုင်ငံသားတွေကို ပထမဦးစားပေးရမယ့် တာဝန်ရှိတယ်လို့ ပြောကြားခဲ့ပါတယ်။
"ဒီနေ့ခေတ်မှာ တိုးတက်ဆန်းသစ်တဲ့ နိုင်ငံခြားရေးမူဝါဒဆိုတာ ကိုယ့်ပြည်သူတွေထက် ကမ္ဘာ့အသိုင်းအဝိုင်းကို ပထမဦးစားပေးတာလို့ ယုံကြည်ရတာဟာ ရေပန်းစားစရာ ဖြစ်လာခဲ့ပါတယ်" လို့ သူက ပြောပါတယ်။ ဒါပေမဲ့ ရှေးဟောင်း ဂရိလူမျိုးတွေကတော့ "မိမိနိုင်ငံအပေါ် သစ္စာစောင့်သိတာ" ဒါမှမဟုတ် မိမိနိုင်ငံရဲ့ အကျိုးစီးပွားကို "အခြားအရာအားလုံးထက်" ကာကွယ်စောင့်ရှောက်တာဟာ "အတ္တဆန်တာ သို့မဟုတ် မှားယွင်းတာမျိုး လုံးဝမရှိဘူး" ဆိုတာကို နားလည်ခဲ့ကြတယ်လို့လည်း သူက ထောက်ပြပြောဆိုခဲ့ပါတယ်။
REF: RT
#News #Myanmar
