ကျိုက်ထို၊ အောက်တိုဘာ ၁၄
မွန်ပြည်နယ်၊ ကျိုက်ထိုခရိုင်၊ ကျိုက်ထိုမြို့နယ်အတွင်းရှိ ကျိုက်ထိုမြို့ရှောင်လမ်းအား မူလအကျယ် (7.31)m မှ (14.63)m အကျယ်သို့ တိုးချဲ့ဆောင်ရွက်ခြင်း၊ Design ပါအတိုင်း ကတ္တရာကွန်ကရစ် (AC) ခင်းခြင်းနှင့် Road Safety Facilities များ ဆောင်ရွက်ခြင်းလုပ်ငန်းများအပြင် ကျိုက်ထိုမြို့ရှောင်လမ်း လက်ယာဘက်ခြမ်းတွင် အရှည် (75)m ၊ အမြင့် (2.945) mရှိ Toe Wall နှင့် Retaining Wall တည်ဆောက်ခြင်းလုပ်ငန်းများ ဆောင်ရွက်နေမှုကို သက်ဆိုင်ရာ တာဝန်ရှိသူများက ကွင်းဆင်းစစ်ဆေးခဲ့ကြသည်။
အဆိုပါ ကွင်းဆင်းစစ်ဆေးရာတွင် ခရိုင်စီမံခန့်ခွဲရေးနှင့်အုပ်ချုပ်ရေးကော်မတီဥက္ကဋ္ဌဦးကံစောလှိုင်နှင့်အဖွဲ့ဝင်များ၊ မြို့နယ်စီမံခန့်ခွဲရေးနှင့်အုပ်ချုပ်ရေးကော်မတီဥက္ကဋ္ဌဦးတင့်လွင်နှင့်အဖွဲ့ဝင်များနှင့် တာဝန်ရှိသူများက လမ်းချဲ့ထွင်ခင်းကျင်းဆောင်ရွင်နေမှု အခြေအနေများ၊ လမ်းအကျယ်အဝန်း၊ Road Safety Facilities များ တပ်ဆင်ထားရှိမှုအခြေအနေနှင့် ရေရှည်တည်တံ့ခိုင်မြဲရေးအတွက် တည်ဆောက်ထားသည့် Retaining Wall နှင့် Toe Wall တို့၏ ကြံ့ခိုင်မှုအခြေအနေများကို လှည့်လည်ကြည့်ရှုစစ်ဆေးကြသည်။
ထို့နောက် တာဝန်ရှိသူများက လုပ်ငန်းခွင်အရည်အသွေး ပြည့်မီရေး၊ သတ်မှတ်စံချိန်စံညွှန်းများနှင့်အညီ ကိုက်ညီမှုရှိစေရေးတို့အတွက် လိုအပ်သည်များကို လမ်းညွှန်မှာကြားခဲ့ကြောင်းသိရသည်။
ပြည့်ဖြိုး
#News #Myanmar
