ရန်ကင်းမြို့နယ်ထွေအုပ်နှင့် ရန်ကင်းမြို့နယ် စည်ပင်သာယာအဖွဲ့၏ အကြီးအကဲများမှ အင်အားသုံး ဖြိုချ ဖျက်ဆီးမည်ဟူသည့် ပြောဆိုချက်နှင့်ပတ်သတ်၍ မျိုးချစ်မြန်မာရဟန်းတော်များသမဂ္ဂ(ရန်ကုန်)၏ သဘောထားကြေညာချက်
ရက်စွဲ ။ ။၁၃၈၈ ခုနှစ် သီတင်းကျွတ်ဆန်း(၅)ရက်
၂၀၂၆ ခုနှစ် အောက်တိုဘာလ (၁၆)ရက် (သောကြာနေ့)
စာအမှတ် ။ ။ ၅ / မ မ ရ သ / ၂၀၂၆
၁။ ရန်ကုန်တိုင်းဒေသကြီး ရန်ကင်းမြို့နယ် အမှတ်(၁၄)ရပ်ကွက် ကျောက်ကုန်းလမ်းနှင့် အောင်ဇေယျလမ်း ထောင့်ရှိ လက်ရှိ ကားလမ်း ရေမြောင်း အစိုးရစီမံကိန်းများနှင့် လွတ်လပ်လျှက်ရှိသော မြေကွက်များပေါ်တွင် ၁၉၇၃ ခုနှစ်များကတည်းက ဆောက်လုပ်ထားသော ရွှေတောင်ကုန်းသမဝါယမအသင်း အဆောက်အအုံ ၁၉၈၀ ခုနှစ်ကတည်းက ဆောက်လုပ်ထားသော ရန်ကင်းမြို့နယ် ကြက်ခြေနီရုံး၊ ရပ်ကွက်အုပ်ချုပ်ရေးမှူးရုံး (၁၄)ရပ် ကွက်လုံးဆိုင်ရာ ဆွမ်းလောင်းဓမ္မာရုံ နှင့် ပြည်ထောင်စုကြံခိုင်ရေးနှင့်ဖွံ့ဖြိုးရေးပါတီ ရပ်ကွက်ရုံးများ သည် ယနေ့အချိန်ထိ တည်ရှိနေကြပါသည်။
၂။ ၂၀၁၀ ပြည့်နှစ် ပြည်သူရွေးကောက်ခံသမ္မတကြီး ဦးသိန်းစိန် အစိုးရလက်ထက်တွင် Father Land ဆောက် လုပ်ရေးကုမ္မဏီမှ ဦးကျော်မြင့်က (၁၃၄/ခ) မြေကွက်အမှတ်အားဝယ်ယူပြီးချိန်တွင် ၎င်း ရွှေတောင်ကုန်း သမဝါယမအသင်းအဆောက်အဦးပါ (၅)လုံးအား တိုင်ကြား ဖယ်ရှားပေးရန် ဖိအားပေးခံခဲ့ရ ပါသော်လည်း သက်ဆိုင်ရာ အာဏာပိုင်အဖွဲ့အစည်းများမှ Father Land ဆောက်လုပ်ရေးကုမ္ပဏီမှ ဦးကျော်မြင့် ဝယ်ယူခဲ့သော မြေကွက်အမှတ် (၁၃၄/ခ) နှင့် လုံးဝ (လုံးဝ) သက်ဆိုင်မူမရှိကြောင်း ဖြေရှင်းခဲ့ရသည့် ဖြစ်စဉ် ရှိခဲ့သည်။
၃။ ယခုအခါ တွင် Father Land ကျော်မြင့်ဆီမှ ဦးမောင်မောင်(ခ)ဦးမိုဟာမက်ယူစွပ် က ၎င်း မြေကွက်ကို ဆက်လက် ဝယ်ယူခဲ့သည်။ ထိုသို့ဝယ်ယူပြီး အက္ခရာစာသောက်ဆိုင် ဖွင့်လှစ်ရန် ငှားရမ်းခဲ့ပြန်သည်။ ၎င်း ငှားရမ်းသည့် အက္ခရာစားသောက်ဆိုင်အပေါ် လစာတိုးတောင်းသည့် ကိစ္စမှ အစပြု၍ အက္ခရာစားသောက် ဆိုင်ဘက်မှ ကားပါကင်နေရာ ချဲ့ထွင်ချင်သည့်ကိစ္စကြောင့် အမှတ်(၁၄)ရပ်ကွက် ကျောက်ကုန်းလမ်းနှင့် အောင် ဇေယျလမ်းထောင့်ရှိ လက်ရှိ ကားလမ်း၊ ရေမြောင်း၊ အစိုးရစီမံကိန်းများနှင့် လွတ်လပ်လျှက်ရှိသော မြေကွက် အား အကြောင်းရှာလာခဲ့ပြန်သည်။ ယခုအခါ အကြောင်းရှာယုံသာ မကတော့ပဲ ရန်ကင်းမြို့နယ် အထွေထွေ အုပ်ချုပ်ရေးမှူးနှင့် ရန်ကင်းမြို့နယ် စည်ပင်သာယာရေးအဖွဲ့ အုပ်ချုပ်ရေးမှူးတို့မှ ၂၀၂၆ ခုနှစ် မတ်လ (၁၃)ရက် ရက်စွဲဖြင့် ရွှေတောင်ကုန်းသမဝါယမအသင်း အပါ (၅)ဦးအားမြေရာကိစ္စ ဆွေးနွေးရန်ဟု ခေါ်ကာ အစည်း အဝေး တက်ရောက်ကြောင်း လက်မှတ်ထိုးခိုင်းပြီး ၂၀၂၆ ခုနှစ် အောက်တိုဘာလ (၁၈ )ရက် နေ့ နောက်ဆုံး ထားကာ ဖျက်သိမ်းရွေ့ပြောင်းပေးပါရန် ပြောဆိုပြီး ဖျက်သိမ်းဖယ်ရှာခြင်း မပြုပါက အောက်တိုဘာလ (၁၉) ရက်နေ့တွင် အင်အားသုံးဖျက်ဆီးဖယ်ရှားမည်ဟု အစည်းအဝေး တက်ရောက်သူများရှေ့မှောက်တွင် ပြောဆို ခဲ့သည်။
၄ ။ နိုင်ငံတော်သမ္မတကြီးက နိုင်ငံတကာသံတမန်ဆက်ဆံရေးအတွက် ဖိတ်ကြားလာသည့် နိုင်ငံအသီးသီးသို့ ကိုယ်တိုင်သွားရောက်၍ မိမိနိုင်ငံ၏ အချုပ်အခြာအာဏာနှင့် လုပ်ပိုင်ခွင့်များအပေါ် တဖက်သတ် ဝင်ရောက် စွပ်ဖက်သည့် နိုင်ငံအဖွဲ့အစည်းများကို သိရှိအောင် ပြောကြားခဲ့ပြီး မိမိနိုင်ငံအတွင်း တည်ငြိမ်အေးချမ်းရေး တရားဥပဒေစိုးမိုးရေးနှင့် နယ်မြေတည်တံ့ခိုင်မြဲရေးအတွက် စွမ်းစွမ်းတမံ လုပ်ကိုင် ဆောင်ရွက်ခဲ့သည်။ ထိုမျှမက ပြည်တွင်းအကြမ်းဖက်မူအဓိကရုဏ်းများ မဖြစ်ပေါ်ရေးနှင့် ထေရဝါဒဗုဒ္ဓဘာသာ သာသနာတော် မြတ်ကြီး လေးစားကြည်ညို အားပေးထောက်ခံကာ ချီးမြှောက်ထောက်ပံ့နေသည့် နိုင်ငံခေါင်းဆောင်ကြီးပီပီ ယခုလို နိုင်ငံတော်အဖွဲ့အစည်း၏ အရံအင်အားတွင်ပါဝင်ပြီး ကျမ်းမာရေး ပရဟိတနှင့် ရှေးဦးသူနာပြု ရပ်ကွက် အုပ်ချုပ်ရေး ဆွမ်းလောင်းဓမ္မာရုံ ပြည်ထောင်စုကြံခိုင်ရေးနှင့်ဖွံဖြိုးရေးပါတီ(ရပ်ကွက်)ရုံးများအား အများပြည် သူသွား လမ်းမကြီးဖြင့်လည်း လွတ်လပ်၊ ရေစီးရေလာကောင်းမွန်စေရန် ဖော်ဆောင်ထားသော ရေမြောင်း များနှင့်လည်း လွတ်လပ်၊ နိုင်ငံတော်စီမံကိန်းမြေနေရာများနှင့်လည်း လွတ်လပ်နေသည့် မြေနေရာလေးအား တည်မြဲခွင့် ပြုပေးနိုင်ပါရန် မေတ္တာရပ်ခံ တိုက်တွန်း တောင်းဆိုသည်။
၅။ ရန်ကင်းမြို့နယ် ထွေအုပ်နှင့် စည်ပင်သာယာအုပ်ချုပ်ရေးမှူးတို့၏ နိုင်ငံတော်အကြီးအကဲ၏ လမ်းညွှန် ချက်ကြောင့်ဟု ဆိုကာ ပြောဆိုလိုက်ခြင်းသည် နိုင်ငံတော်သမ္မတကြီးအပေါ် ရဟန်းရှင်လူပြည်သူ ပြည်သားများ အထင်မြင်လွဲမှားစေသော လုပ်ရပ်ဖြစ်သည်။ ထိုသို့သော လုပ်ရပ်မျိုးနှင့် တရားဥပဒေမဲ့ လုပ်ရပ်များ ဆက်လက် လုပ်ဆောင်လာမည်ဆိုပါက မျိုးချစ်မြန်မာရဟန်းတော်များသမဂ္ဂ(ရန်ကုန်)နှင့် အမျိုးသားရေးအင်အားစုများမှ တရားဥပဒေ လုပ်ထုံးလုပ်နည်းများနှင့်အညီ ဆရာဒကာ လက်တွဲညီစွာဖြင့် ရင်ဆိုင်ဖြေရှင်း ကာကွယ်စောင့် ရှောက် သွားမည်ဖြစ်ကြောင်း သဘောထားကြေညာချက် ထုတ်ပြန်လိုက်သည်။
မျိုးချစ်မြန်မာရဟန်းတော်များသမဂ္ဂ (ရန်ကုန်)
