ရန်ကုန်တိရစ္ဆာန်ဥယျာဉ်တွင် သီတင်းကျွတ်စျေးရောင်းပွဲတော် ကျင်းပမည်ဖြစ်ကြောင်း တိရစ္ဆာန်ဥယျာဉ် (ရန်ကုန်) က ထုတ်ပြန်သည်။
အဆိုပါတိရစ္ဆာန်ဥယျာဉ် (ရန်ကုန်)တွင် ကျင်းပမည့် သီတင်းကျွတ် Bazaar ဈေးရောင်းပွဲတော်ကြီးကို အောက်တိုဘာ ၂၄ မှ ၂၇ ရက်အထိ ကျင်းပမည်ဖြစ်ကြောင်း သိရသည်။
စျေးရောင်းပွဲတော်တွင် အောက်တိုဘာ ၂၅ ရက်မှ ၂၆ ရက် နှစ်ရက်တွင် မြန်မာ့ရိုးရာအကအလှများဖြစ်သည့် ဆီမီးအက၊ ဗုဒ္ဓပူဇော်ခြင်းဆိုင်ရာအကများ၊ ရွှေဖြိုးအောင် (မြန်မာမှုအက) များ ပါဝင်ကြောင်း သိရသည်။
အလားတူ စျေးရောင်းပွဲတော်တွင် ပျော်ရွှင်စရာ Game များနှင့် ဆုလက်ဆောင်များ၊ အပျော်တမ်းသရုပ်ဆောင်ပြိုင်ပွဲများအပြင် ဒေသထွက်အစားအစာစျေးဆိုင်ခန်းများလည်း ပါဝင်မည်ဖြစ်ကြောင်း သိရသည်။
