မန္တလေးမြို့ ကျုံးဘေး၌ ယနေ့ (အောက်တိုဘာ ၂၆ ရက်) ညတွင် သီတင်းကျွတ်လပြည့်နေ့ ဆီမီးထွန်းပွဲတော်ကို ကျင်းပရာ လာရောက်လည်ပတ်သူများဖြင့် စည်ကားခဲ့ကြောင်း သိရသည်။
မန္တလေးတိုင်းဒေသကြီးအစိုးရအဖွဲ့က ကြီးမှူးကျင်းပသည့် အဆိုပါပွဲတော်၌ ကျုံးတောင်ဘက်ခြမ်း၊ ၂၆ လမ်း၊ ၆၆ လမ်း မှ ၇၃ လမ်းကြားတွင် ရောင်စုံအလှဆင်မီးများ၊ မီးပုံးများ၊ ဆီမီးများဖြင့် ပုံဖော်ထွန်းညှိခြင်းနှင့် စတိတ်ရှိုး တေးဂီတဖျော်ဖြေပွဲများကို ထည့်သွင်းကျင်းပခဲ့ပါသည်။
အဆိုပါဖျော်ဖြေပွဲတွင် မေခလာ၊ L ဆိုင်းဇီ၊ မယ်လိုဒီ၊ နေမင်းအိမ်၊ ရဲထွဋ်ကျော်၊ ဘိုမ (ကေတုမတီ)၊ ချစ်ဇွဲသာ၊ ပန်းလေး၊ ဧကရီစုစံ၊ ခိုင်ဇင်လင်း၊ ယွန်းမီ၊ နော်ထူး၊ ထက်ထက်၊ DJ Bella၊ Dancer အဖွဲ့နှင့် မန်းစည်ပင်ခေတ်ပေါ်တေးဂီတအဖွဲ့တို့က ပါဝင်ဖျော်ဖြေကြကြောင်း သိရသည်။
