လက်ရှိချန်ပီယံ မန်စီးတီးအသင်း ကာရာဘောင်ဖလားကွာတားဖိုင်နယ်တက်လှမ်း

အောက်တိုဘာ ၂၈ ရက်ညပိုင်းက ယှဉ်ပြိုင်ကစားခဲ့တဲ့ ကာရာဘောင် ဖလား ၁၆ သင်းအဆင့်  ပွဲစဉ်တွေအနက် လက်ရှိချန်ပီယံမန်စီးတီးအသင်းနဲ့ ဘရိုက်တန်အသင်းတို့ပွဲစဉ်မှာ မန်စီးတီးအသင်း က ပင်နယ်တီ အဆုံးအဖြတ်မှာ အနိုင်ရပြီး ကွာတားဖိုင်နယ်အဆင့်ကို တက်လှမ်းနိုင်ခဲ့ပါတယ်။     

မန်စီးတီးအသင်းနဲ့ ဘရိုက်တန်အသင်းတို့ပွဲစဉ်မှာ သာမန်ပွဲကစားချိန်အတွင်း  တစ်ဖက်နှစ်ဂိုးစီ သရေရလဒ်ထွက်ပေါ်ခဲ့တာကြောင့် ပင်နယ်တီအဆုံးအဖြတ်ခံယူရာမှာ မန်စီးတီးအသင်းက လေးဂိုး-သုံးဂိုးဖြင့်အနိုင်ရရှိခဲ့တာဖြစ်ပါတယ်။

အခုပွဲစဉ်မှာ  မန်စီးတီးအသင်းအတွက်  သွင်းဂိုးတစ်ဂိုးသွင်းယူပေးနိုင်ခဲ့တဲ့  ကိုဗာဆစ်ကတော့  မန်စီးတီးအသင်းနဲ့အတူ  ပထမဆုံးဂိုး သွင်းယူနိုင်ခဲ့တာလည်းဖြစ်ပါတယ်။

အခြားသောပွဲစဉ်တွေမှာတော့  ဘုန်းမောက်အသင်းက အက်စ်တွန်ဗီလာအသင်းကို သုံးဂိုး-ဂိုးမရှိ၊ ခရစ္စတယ်ပဲလေ့စ်အသင်းက ဖူလ်ဟမ်အသင်းကို တစ်ဂိုး-ဂိုးမရှိ၊ ဆန်းဒါးလန်းအသင်းက ဘရန့်ဖို့ဒ်အသင်းကို သုံးဂိုး-နှစ်ဂိုး၊ လီဗာပူးအသင်းနဲ့ ချယ်လ်ဆီးအသင်းတို့ပွဲစဉ်မှာ တစ်ဖက်တစ်ဂိုးစီ သရေရလဒ်ထွက်ပေါ်ခဲ့လို့ ပင်နယ်တီအဆုံးအဖြတ် ခံယူရာမှာ  လီဗာပူးအသင်းက  ခြောက်ဂိုး-ငါးဂိုးဖြင့်  အနိုင်ရရှိကာ  နောက်တစ်ဆင့်တက်လှမ်းခွင့်ရရှိခဲ့တာလည်းဖြစ်ပါတယ်။

ငွေကြယ်