စေတုတ္တရာမြို့ စည်ပင်သာယာဈေးတွင် မီးဘေးအန္တရာယ် ကြိုတင်ကာကွယ်ရေး သရုပ်ပြဇာတ်တိုက်လေ့ကျင့်

စေတုတ္တရာ အောက်တိုဘာ ၂၉

 

မကွေးတိုင်းဒေသကြီး စေတုတ္တရာမြို့နယ်တွင် အယ်လ်နီညိုဖြစ်စဉ်ကြောင့် ဖြစ်ပေါ်လာနိုင်သည့် ဘေးအန္တရာယ်များ ကြိုတင်ကာကွယ်ရေးအတွက် ဇာတ်တိုက်လေ့ကျင့်ခြင်းကို ယမန်နေ့နံနက်ပိုင်းက ဆောင်ရွက်သည်။

 

ထိုသို့ဆောင်ရွက်ရာတွင် မြို့နယ်စီမံခန့်ခွဲရေးနှင့် အုပ်ချုပ်ရေးကော်မတီဥက္ကဋ္ဌ၊ ဌာနဆိုင်ရာတာဝန်ရှိသူများ၊ မြို့နယ်မီးသတ်ဦးစီးဌာနနှင့် ဈေးသူဈေးသားများ ပူးပေါင်း၍ စည်ပင်သာယာဈေးတွင် ဆီမီးလောင်မှုအား မီးသတ်ဆေးဘူးအသုံးပြု၍ မီးငြှိမ်းသတ်မှု သရုပ်ပြသခြင်း၊ မီးသတ်ယာဉ်ဖြင့် မီးငြှိမ်းသတ်ပြခြင်းတို့ကို သရုပ်ပြဇာတ်တိုက်လေ့ကျင့်ခဲ့ကြောင်း သိရသည်။

 

ဇာဇာငြိမ်း