ဘန်ကောက်၊ နိုဝင်ဘာ ၃ ရက် (ဆင်ဟွာ)
ထိုင်းနိုင်ငံ ဝန်ကြီးချုပ် အနူတင် ချန်ဗီရာကူးလ်သည် နိုဝင်ဘာ ၂ ရက်တွင် ၂၀၂၆ ခုနှစ် ဥဒွန်ဌာနီ နိုင်ငံတကာ ဥယျာဉ်စိုက်ပျိုးမှုအတတ်ပညာပြပွဲကို ဖွင့်လှစ်ခဲ့ပြီး လယ်ယာစိုက်ပျိုးရေးဖြင့် အသက်မွေးဝမ်းကျောင်းပြုသူများ၏ ဘဝအခြေအနေ မြင့်မားလာစေရန်အတွက် "ဇီဝ-စက်ဝိုင်း-အစိမ်းရောင် စီးပွားရေးပုံစံ" အရ နိုင်ငံတကာ ပူးပေါင်းဆောင်ရွက်မှုများနှင့် ခေတ်မီစိုက်ပျိုးရေးနည်းပညာများကို အသုံးပြုရန် တိုက်တွန်းပြောကြားခဲ့သည်။
၁၃၄ ရက်ကြာ ကျင်းပမည့် ဤပြပွဲသည် ကမ္ဘာတစ်ဝန်း ပတ်ဝန်းကျင်ဆိုင်ရာ ဖိအားများ တိုးမြင့်လာနေချိန်တွင် နိုင်ငံဖြတ်ကျော် ပူးပေါင်းဆောင်ရွက်မှုများအတွက် အရေးပါသော ပလက်ဖောင်းတစ်ခု ဖြစ်လာလိမ့်မည်ဟု ဝန်ကြီးချုပ်အနူတင်က ပြောကြားခဲ့ပြီး ဤပြပွဲသည် ကမ္ဘာတစ်ဝန်းမှ ဧည့်သည်များကို ကြိုဆိုရန်နှင့် ဥယျာဉ်ခြံမြေစိုက်ပျိုးရေး၊ စိုက်ပျိုးရေးနှင့် ဇီဝမျိုးစုံမျိုးကွဲများဆိုင်ရာ ထိုင်းနိုင်ငံ၏ စွမ်းဆောင်နိုင်ရည်များကို ပြသရန် အခွင့်အရေးကောင်းတစ်ခု ဖြစ်ကြောင်း ဖော်ပြခဲ့သည်။
ရေရှည်တည်တံ့ခိုင်မြဲရေးနှင့် ပတ်သက်၍ အနူတင်က ဤရင်းနှီးမြှုပ်နှံမှုသည် ဒေသခံပြည်သူများအတွက် ရေရှည်အကျိုးကျေးဇူးများ ကျန်ရစ်စေလိမ့်မည်ဟု အလေးပေးပြောကြားခဲ့သည်။ ဟက်တာ ၁၆၄.၈ ကျယ်ဝန်းသော ဤနေရာကို ပြပွဲပြီးဆုံးပြီးနောက် ပြည်သူများအတွက် အပန်းဖြေစိမ်းလန်းရေးဇုန်၊ စိုက်ပျိုးရေးဆိုင်ရာ ဆန်းသစ်တီထွင်မှုနှင့် သင်ယူလေ့လာရေး ဗဟိုဌာန၊ အနာဂတ်တွင် ကမ္ဘာ့အဆင့်မီ ပွဲများကို လက်ခံကျင်းပနိုင်မည့် နိုင်ငံတကာ ပြပွဲနေရာတစ်ခုအဖြစ် ပြန်လည်ဖော်ဆောင်သွားမည်ဖြစ်သည်။
နိုင်ငံတကာ ဥယျာဉ်ခြံမြေစိုက်ပျိုးရေး ထုတ်လုပ်သူများအသင်း (AIPH) ၏ ထောက်ခံမှုဖြင့် ကျင်းပသည့် ဤပြပွဲကို ၂၀၂၇ ခုနှစ် မတ်လ ၁၄ ရက်အထိ ပြသသွားမည်ဖြစ်သည်။ ပြပွဲတွင် နိုင်ငံနှင့် ဒေသ ၁၇ ခုမှ ကိုယ်စားပြု နိုင်ငံတကာ ဥယျာဉ် ၃၂ ခု ပါဝင်ပြသထားပြီး၊ ဒေသတွင်း အီဆန်ယဉ်ကျေးမှု အမွေအနှစ်များ၊ ယူနက်စကို (UNESCO) စာရင်းဝင် ရှေးဟောင်းသုတေသနဆိုင်ရာ အမှတ်အသားများနှင့် စိမ့်မြေအရပ်ထိန်းသိမ်းရေး နည်းပညာများကိုလည်း ခင်းကျင်းပြသထားသည်။ (Xinhua)
…………………
(English version)
Thailand opens int'l horticultural expo to advance green economy, regional growth
BANGKOK, Nov. 2 (Xinhua) -- Thailand's Prime Minister Anutin Charnvirakul declared the Udon Thani International Horticultural Expo 2026 open on Monday, urging international cooperation and advanced agricultural technology under the Bio-Circular-Green economic model to uplift farming livelihoods.
In his remarks, Anutin framed the 134-day exposition as a vital platform for cross-border collaboration amid mounting worldwide environmental pressures, describing the event as a momentous opportunity to welcome visitors worldwide and demonstrate Thailand's potential in horticulture, agriculture, and biodiversity.
Addressing long-term sustainability, the prime minister stressed that the investment would leave a permanent footprint for the local population. The 164.8-hectare grounds are slated for post-expo redevelopment into a public green lung, an agro-innovation and learning hub, and an international exhibition venue capable of hosting future world-scale gatherings.
Endorsed by the International Association of Horticultural Producers, the exposition runs through March 14, 2027, featuring 32 international gardens representing 17 countries and regions, alongside displays of local Isan cultural heritage, UNESCO-listed archaeological motifs, and wetland conservation technologies.
Photo caption: Anutin Charnvirakul, speaks at a meeting of the House of Representatives at the parliament building in Bangkok, Thailand, March 19, 2026. (Xinhua/Rachen Sageamsak)
