၂၀၂၆ ခုနှစ်၊ နိုဝင်ဘာလ ၁၀ ရက်
ရှမ်းပြည်နယ်မြို့တော် တောင်ကြီးမြို့တွင် ယမန်နေ့ နိုဝင်ဘာလ ၉ ရက်မှ စတင်၍ မိုးအဆက်မပြတ်ရွာသွန်းနေပြီး မြူနှင်းများ ကျရောက်မှုကြောင့် ယနေ့ နိုဝင်ဘာ ၁၀ ရက်တွင် မြင်ကွင်းများ ပိတ်ဆို့လျက်ရှိကြောင်း သိရသည်။
မိုးအဆက်မပြတ် ရွာသွန်းပြီး မြင်ကွင်း မရှင်းလင်းမှုကြောင့် မြို့ပေါ်လမ်းမများတွင် ယာဉ်အသွားအလာ နည်းပါးနေပြီး မဖြစ်မနေ သွားလာရသူများအနေဖြင့် ယာဉ်အန္တရာယ်၊ လမ်းအန္တရာယ် ကင်းရှင်းစေရေးအတွက် ဂရုပြု မောင်းနှင် သွားလာရန် လိုအပ်နေကြောင်း သိရသည်။
မြို့တော်တောင်ကြီး အပြင် ရှမ်းပြည်နယ်တောင်ပိုင်းဒေသအတွင်း မိုးအဆက်မပြတ် ရွာသွန်းနေခြင်းဖြစ်ပြီး နေရာ အချို့တွင် ရေကြီးရေလျှံမှုနှင့် မြေပြိုမှုများ ဖြစ်ပွားနေကြောင်း သိရသည်။
