သထုံ ၊ နိုဝင်ဘာ ၁၄
မွန်ပြည်နယ်၊ သထုံမြို့နယ်အတွင်း ၂၀၂၅-၂၀၂၆ ပညာသင်နှစ် တက္ကသိုလ်ဝင်တန်းစာမေးပွဲတွင် ထူးချွန်စွာအောင်မြင်ခဲ့ကြသည့် ကျောင်းသား/ကျောင်းသူများနှင့် လူရည်ချွန်များအား သုဝဏ္ဏဘူမိသထုံအသင်း (ရန်ကုန်)မှ ဂုဏ်ပြုချီးမြှင့်ခြင်းအခမ်းအနားကို ယနေ့နံနက်ပိုင်းက သထုံမြို့၊ အမှတ်(၁)အခြေခံပညာနှင့် စက်မှု၊ စိုက်ပျိုး၊ မွေးမြူရေးအထက်တန်းကျောင်း ဗိုလ်တေဇခန်းမ၌ ကျင်းပပြုလုပ်သည်။အခမ်းအနားတွင် ဦးစွာ သုဝဏ္ဏဘူမိသထုံအသင်း(ရန်ကုန်) ဥက္ကဋ္ဌ ဦးသက်အောင်နှင့် ခေတ္တမြို့နယ်အုပ်ချုပ်ရေးမှူး ဦးကျော်စိုးတို့က အမှာစကားများပြောကြားပြီး မွန်ပြည်နယ် လွှတ်တော်ကိုယ်စားလှယ် ဒေါ်လေးမိုးသူက အထက်တန်းနှင့် အလယ်တန်းအဆင့် လူရည်ချွန်များနှစ်ဦးတို့အား ဂုဏ်ပြုဆုပေးအပ်ချီးမြှင့်သည်။ဆက်လက်၍ ခေတ္တမြို့နယ်အုပ်ချုပ်ရေးမှူး၊ ခရိုင်စီမံခန့်ခွဲရေးနှင့် အုပ်ချုပ်ရေးကော်မတီဝင်များ မြို့နယ်ပညာရေးမှူးရုံးမှ တာဝန်ရှိသူများနှင့် သုဝဏ္ဏဘူမိသထုံအသင်း(ရန်ကုန်)မှ တာဝန်ရှိသူတို့က ၂၀၂၅-၂၀၂၆ ပညာသင်နှစ် တက္ကသိုလ်ဝင်တန်းစာမေးပွဲ ဂုဏ်ထူး ခြောက်ဘာသာမှ တစ်ဘာသာအထိ ဂုဏ်ထူးရ ကျောင်းသားကျောင်းသူတို့အား ဂုဏ်ပြုဆုများ ပေးအပ်ချီးမြှင့်ခြင်း၊ အသင်းတာဝန်ရှိသူတို့က အလှူရှင်တို့အား ဂုဏ်ပြုမှတ်တမ်းလွှာများ ပေးအပ်ခြင်းတို့ကို ပြုလုပ်ကြပြီးနောက် ငါးဘာသာဂုဏ်ထူးရှင် ကျောင်းသားတစ်ဦးက ကျေးဇူးတင်စကား ပြောကြားခဲ့သည်။အဆိုပါဂုဏ်ပြုပွဲတွင် အထက်တန်းနှင့် အလယ်တန်းအဆင့် လူရည်ချွန် ၂ ဦး၊ ခြောက်ဘာသာဂုဏ်ထူးရှင် ၃ ဦး အပါအဝင် ဂုဏ်ထူးရကျောင်းသားကျောင်းသူ စုစုပေါင်း ၁၁၀ ဦးတို့အားဂုဏ်ပြုချီးမြှင့်ခဲ့ကြကြောင်း သိရသည်။
https://t.me/MyanmarNationalPost
