Myanmar Digital News

အင်းစိန်မြို့နယ်၌ စတုတ္ထအကြိမ်မြောက် စာရေးဆရာအသင်း(ဗဟို) ညီလာခံအတွေ့အကြုံ ရှင်းလင်းခြင်း၊ ဂုဏ်ပြုမှတ်တမ်းလွှာ၊ ဂုဏ်ပြုဆုများပေးအပ်

ရန်ကုန် နိုဝင်ဘာ ၁၅

 

အင်းစိန်မြို့နယ် စာရေးဆရာအသင်းမှ စာရေးဆရာအသင်း(ဗဟို)၏ ညီလာခံအတွေ့အကြုံ ရှင်းလင်းခြင်း၊ စာရေးဆရာမ တက္ကသိုလ် မြမဉ္ဇူအား ဂုဏ်ပြုလွှာ၊ ဂုဏ်ပြုလက်ဆောင်၊ အသင်းဝင်များ၏ ဂုဏ်ထူးရ သားသမီးများအား ဂုဏ်ပြုဆုပေးအပ်ခြင်းကို ယနေ့တွင် မြို့နယ်ခန်းမ၌ ကျင်းပသည်။

 

ဦးစွာ အသင်းနာယကသဘာပတိ ဦးရန်နောင်(ရန်နောင်-ပညာရေး)က အမှာစကားပြောကြားပြီး အသင်းနာယက ဦးဝင်းမြင့် (မောင်မောင်ဝင်းမြင့်-မှုခင်း)က အသင်းရန်ပုံငွေရရှိရေး အကြံပြု ဆွေးနွေးပြောကြားသည်။ ဆက်လက်၍ အသင်းဥက္ကဋ္ဌ ဦးသက်တင် (မောင်သာတင့်-မြန်အောင်)က စတုတ္ထအကြိမ်(ဗဟို)ညီလာခံ၏ အတွေ့အကြုံများကို ရှင်းလင်းပြောကြားပြီး စာရေးဆရာမ တက္ကသိုလ်မြမဉ္ဇူအား ဂုဏ်ပြုလက်ဆောင်များ ချီးမြှင့်ကာ စာရေးဆရာထူးအောင်လှိုင်၏ သမီးတက္ကသိုလ်ဝင်စာမေးပွဲသုံးဘာသာဂုဏ်ထူးရှင်အား ဂုဏ်ပြုဆုများ ချီးမြှင့်ခဲ့ကြောင်း သိရသည်။

မြင့်ဦး

မူရင်းသတင်း — Myanmar Digital News