Myanmar National Post

ရန်ကုန်တိုင်းဒေသကြီး၌ တီဘီရောဂါကာကွယ်ထိန်းချုပ်ရေးလုပ်ငန်းများ အရှိန်အဟုန်မြှင့် ဆောင်ရွက် မည့် လုပ်ငန်းစီမံချက်(၂၀၂၆-၂၀၂၈) တင်ပြခြင်း အခမ်းအနားကျင်းပ

 


ရန်ကုန် ၊  နိုဝင်ဘာ ၁၇

တီဘီရောဂါကာကွယ်ထိန်းချုပ်ရေးလုပ်ငန်းများ အရှိန်အဟုန်မြှင့် ဆောင်ရွက်မည့် လုပ်ငန်းစီမံချက် (၂၀၂၆-၂၀၂၈) တင်ပြခြင်း အခမ်းအနားကို ယနေ့နံနက်(၉)နာရီက ရန်ကုန်တိုင်းဒေသကြီးအစိုးရအဖွဲ့ရုံး၊ မင်္ဂလာခန်းမတွင် ကျင်းပရာ ရန်ကုန်တိုင်းဒေသကြီး ဝန်ကြီးချုပ် ဦးအောင်နိုင်သူနှင့် ဇနီး၊ တိုင်းဒေသကြီး အစိုးရအဖွဲ့ဝင်များနှင့် ၎င်းတို့၏ ဇနီးများ၊ ဌာနဆိုင်ရာအကြီးအကဲများ၊ ဖိတ်ကြားထားသည့် ဧည့်သည်တော်များနှင့် တာဝန်ရှိသူများ တက်ရောက်ခဲ့ကြသည်။ဦးစွာ ရန်ကုန်တိုင်းဒေသကြီး ဝန်ကြီးချုပ် ဦးအောင်နိုင်သူက အဖွင့်အမှာစကား ပြောကြားသည်။ထို့နောက် ရန်ကုန်တိုင်းဒေသကြီး ပြည်သူ့ကျန်းမာရေးနှင့် ကုသရေးဦးစီးဌာန၊ ဒုတိယညွှန်ကြားရေးမှူးချုပ် ဒေါက်တာ နန္ဒဝင်းက ရန်ကုန်တိုင်းဒေသကြီးအတွင်း တီဘီရောဂါကာကွယ်ထိန်းချုပ်ရေး လုပ်ငန်းများ အရှိန်အဟုန်မြှင့် ဆောင်ရွက်မည့် လုပ်ငန်းစီမံချက်အား ရှင်းလင်းတင်ပြသည်။

ယင်းနောက် ရန်ကုန်တိုင်းဒေသကြီး၏ တီဘီရောဂါအခြေအနေနှင့် ကဏ္ဍပေါင်းစုံ ဆောင်ရွက်မှုမှတ် တမ်း Video Clip အား ပြသခဲ့ကြောင်း သိရသည်။

ဇွဲထက်ကို

https://t.me/MyanmarNationalPost

မူရင်းသတင်း — Myanmar National Post