Myanmar Digital News

၂၀၂၆ ခုနှစ် ဆောင်းရာသီလူထုလှုပ်ရှားမှု အားကစားပြိုင်ပွဲအဖြစ် ပိုက်ကျော်ခြင်းပြိုင်ပွဲ ဖွင့်ပွဲအခမ်းအနား ကျင်းပ

ကသာ   နိုဝင်ဘာ   ၁၇

စစ်ကိုင်းတိုင်းဒေသကြီး ကသာမြို့တွင် ၂၀၂၆ ခုနှစ် ဆောင်းရာသီ လူထုလှုပ်ရှားမှုအားကစားပြိုင်ပွဲအဖြစ် ရပ်ကွက်/ကျေးရွာအုပ်စုပေါင်းစုံ ပိုက်ကျော်ခြင်းပြိုင်ပွဲကို   ယနေ့နံနက်ပိုင်းက ဧရာရွှေလီခန်းမ၌  ကျင်းပသည်။

အဆိုပါ ရပ်ကွက်/ကျေးရွာအုပ်စုပေါင်းစုံ ပိုက်ကျော်ခြင်းပြိုင်ပွဲတွင် ခရိုင်စီမံခန့်ခွဲရေးနှင့်  အုပ်ချုပ်ရေးကော်မတီဥက္ကဋ္ဌ ဦးထင်ကျော်က အမှာစကားပြောကြားပြီး ပြိုင်ပွဲကျင်းပရေးကော်မတီ၊ ဒိုင်အဖွဲ့ ဦးကျော်ကျော်ဦးက ပြိုင်ပွဲစည်းကမ်းချက်များနှင့်ပတ်သက်၍ ရှင်းလင်းပြောကြားသည်။ ကသာမြို့နယ်အတွင်းရှိ ရပ်ကွက်/ကျေးရွာအုပ်စုများမှ ပိုက်ကျော်ခြင်းအသင်း  ၁၆ သင်း ဝင်ရောက်ယှဉ်ပြိုင်ခဲ့ကြသည်။ အုပ်စုပတ်လည် အားကစားပြိုင်ပွဲတွင်  B-W အားကစားအသင်းနှင့် ပန်းပဲကုန်းအားကစားအသင်းတို့ ယှဉ်ပြိုင်ကြရာ ပန်းပဲကုန်းအားကစားအသင်းက B-W အားကစားအသင်းကို အနိုင်ရရှိခဲ့ကြောင်း သိရသည်။ 

ခရိုင်(ပြန်/ဆက်)

မူရင်းသတင်း — Myanmar Digital News