CarsDB

၂၄ ကာရက်ရွှေချထားသော Silver Spur II Rolls-Royce အပြင် ကား အစင်းရေ ၇၀၀၀ ခန့်ပိုင်ဆိုင်ထားသူ ဘရူနိုင်းဘုရင်

ကမ္ဘာ့အကြီးမားဆုံး ကားစုဆောင်းမှုဟု ဆိုနိုင်သော အစင်းရေ ၇၀၀၀ ကျော်ရှိပြီး စုစုပေါင်း တန်ကြေးအားဖြင့် ဒေါ်လာ ၅ ဘီလီယံကျော်ဖိုးရှိသော မော်တော်ကားများကို ဘရူနိုင်းဘုရင်က ပိုင်ဆိုင်ထားသည်။

အဆိုပါကားများကို လျှို့ဝှက်ထားရှိပြီး သင့်အနေဖြင့် ဘရူနိုင်းဘုရင်၏ မိတ်ဆွေမဟုတ်ပါက သူ၏ကားများကို မည်သည့်အခါမှ တွေ့ခွင့်ရလိမ့်မည် မဟုတ်ချေ။

ထိုကားများတွင် ဘရူနိုင်းဘုရင် (သို့မဟုတ်) ကားဝါသနာပါသော သူ၏ညီတော် မင်းသားဂျက်ဖရီတို့က အထူးမှာယူထားသော တစ်စီးတည်းသာ ထုတ်လုပ်ထားသည့်ကား များစွာ ပါဝင်သည်။

၁၉၉၀ ပြည့်လွန်အစောပိုင်းနှင့် အလယ်ပိုင်းကာလများတွင် ထုတ်လုပ်ရောင်းချခဲ့သော Rolls-Royces နှင့် Bentleys ကားအားလုံး၏ ထက်ဝက်ခန့်ကို ဘရူနိုင်းဘုရင်နှင့် မိသားစုက ဝယ်ယူခဲ့ခြင်း ဖြစ်သည်။

အများစုမှာ အထူးမှာယူထားသော ကားများဖြစ်ကြသည်။

ဘရူနိုင်းဘုရင် အထူးမှာယူခဲ့သော ကားများတွင် Bentley Dominators ၆ စင်းလည်း ပါဝင်ပြီး ယင်းကုမ္ပဏီ၏ ပထမဆုံး SUV လည်းဖြစ်သည်။

ထိုကားများသည် ဘရူနိုင်းဘုရင်၏ အခြားကားများစွာနည်းတူ လျှို့ဝှက်စီမံကိန်းတစ်ခု ဖြစ်ခဲ့ပြီး ဘရူနိုင်းသို့ သွားမည့် ကုန်တင်လေယာဉ်ကြီးတစ်စင်းပေါ်သို့ ကားများတင်နေသည်ကို ဓာတ်ပုံဆရာတစ်ဦးက မှတ်တမ်းတင် ထားခဲ့သောကြောင့်သာ အများပြည်သူ သိရှိလာရခြင်း ဖြစ်သည်။

သူ၏ များပြားလှသော မော်တော်ကားများအနက် ၁၉၉၆ ခုနှစ်ထုတ် Bentley Buccaneer, Bentley Camelot ,Phoenix, Imperial, Rapier, Pegasus,Silverstone နှင့် Spectre တို့လည်း ပါဝင်သည်။

The Sultan of Brunei's Ferraris and other cars are guarded by Gurkhas

အဆိုပါကားနာမည်များ မကြားဖူးသောကြောင့် မအံ့သြပါနှင့်။ Bentley က အဆိုပါကားများကို အများပြည်သူသို့ တရားဝင် ထုတ်လုပ်ရောင်းချခြင်း မရှိခဲ့သောကြောင့် ဖြစ်သည်။

ထိုကားများကို အထူးမှာယူမှုဖြင့် လျှို့ဝှက်စွာ ထုတ်လုပ်ခဲ့ခြင်း ဖြစ်သည်။ ဘရူနိုင်းဘုရင်၏ မိသားစုသည် Bentley မော်တော်ကားပေါင်း အစင်း ၃၈၀ ခန့် ပိုင်ဆိုင်ထားသည်ဟု ခန့်မှန်းရသည်။

ဘရူနိုင်းဘုရင် အများဆုံး ပိုင်ဆိုင်ထားသည်မှာ Rolls-Royce များ ဖြစ်သည်။

Rolls- Royce အစင်းရေ ၆၀၀ ပိုင်ဆိုင်ထားပြီး အများစုမှာ အထူးမှာယူထားခြင်းဖြစ်သည်။

Rolls-Royce Royale , Majestic နှင့် Cloudesque တို့ကဲ့သို့ လျှို့ဝှက်မော်တော်ကားများ ပါဝင်ပြီး အားလုံးမှာ ကြီးမားခန့်ညားသော Limousine များ ဖြစ်ကြသည်။

သူ၏ Rolls-Royce များအနက် အများစုမြင်ဖူးကြသည်မှာ ထိမ်းမြားမင်္ဂလာနေ့တွင် စီးနင်းခဲ့သော Silver Spur II ဖြစ်သည်။

A Bugatti EB110 is part of the Sultan's fleet

ထိုကားသည် သာမန် Silver Spur မဟုတ်။

၂၄ ကာရက် ရွှေချထားသော မော်တော်ကား ဖြစ်သည်။

အခြားထင်ရှားသော ကားများမှာ အထူးမှာယူထားသော Ferrari များ ဖြစ်သည်။

ယင်းသို့အနက် ကမ္ဘာပေါ်တွင် ၇ စင်းသာရှိသော 456 GT Venice လည်း ပါဝင်ပြီး ၆ စီးကို မင်းသားဂျက်ဖရီက ပိုင်ဆိုင်ထားကာ တစ်စီးမှာ ဗြိတိန်နိုင်ငံသားတစ်ဦး ပိုင်ဆိုင်သည်ဟု ဆိုသည်။

ထို့အပြင် ၁၉၈၈ ခုနှစ်တွင် မှာယူခဲ့သော F90 တစ်စီးနှင့် 1995 FX ၆ စင်းတို့လည်း ပါဝင်သည်။

အထူးမှာယူခြင်းမဟုတ်သော်လည်း ရှားပါးသော Ferrari ဖြစ်သည့် 250 GTO လည်းပါဝင်ကာ Ferrari အားလုံးတွင် ဈေးအကြီးဆုံးဖြစ်ကာ ဘရူနိုင်းဘုရင်တွင် ၂ စင်းပိုင်ဆိုင်ထားသည်။


The Sultan ordered a bespoke Bentley Buccaneer

ထို့အပြင် Ferrari များတွင် စိတ်လှုပ်ရှားဖွယ် အကောင်းဆုံးဟုဆိုကြသော F40 ၁၁ စင်းလည်း ပိုင်ဆိုင်ထားသည်။

ဘရူနိုင်းဘုရင်၏ မော်တော်ကားများတွင် McLaren F1 ,Jaguar XJ 220 ၊ အထူးမှာယူထားသော Aston Martin Vantage Special Series ၊ တစ်စင်းတည်းသာ ရှိသော BMW Nazca M12 နှင့် Bugatti EB 110 တစ်စင်းတို့လည်း ပါဝင်သည်။

အဆိုပါကားအားလုံးကို ကြီးမားကျယ်ဝန်းလှသော ကားနန်းတော်ကြီး တစ်ခုအတွင်း သိမ်းဆည်းထားရှိသည်။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: The Sultan of Brunei’s Unbelievable Car Collection From The Bugatti EB110 to a Bentley Buccaneer (spyscape)

မူရင်းသတင်း — CarsDB