Myanmar Digital News

စာဆိုဗိမာန်၌ 2026 World Philosophy Day အခမ်းအနားကျင်းပ

ရန်ကုန် နိုဝင်ဘာ ၁၉

 

မြန်မာနိုင်ငံတွင် အဋ္ဌမအကြိမ်မြောက် “World Philosophy Day” 2026 အခမ်းအနားကို ယ​နေ့နံနက်ပိုင်းတွင် မင်္ဂလာတောင်ညွန့်မြို့နယ် ဥယျာဉ်ရပ်ကွက် ဗိုလ်မင်းခေါင်လမ်းရှိ “စာဆိုဗိမာန်”၌ ကျင်းပသည်။

 

ဦးစွာ 2026 World Philosophy Day အခမ်းအနားနှင့်ပတ်သက်၍ ဒဿနိကဗေဒဌာန ပါမောက္ခ (ဌာနမှူး)က အမှာစကား​ပြောကြားပြီး ယူနက်စကို၏သဝဏ်လွှာကို ရန်ကုန်နိုင်ငံခြားဘာသာ တက္ကသိုလ် ပါမောက္ခချုပ်​က ဖတ်ကြားသည်။

 

ဆက်လက်၍ ရန်ကုန်အရှေ့ပိုင်းတက္ကသိုလ် ပါမောက္ခ(ဌာနမှူး) (ငြိမ်း) ဒေါက်တာဖြူဖြူက Key Notes Address ပြောကြားပြီး ရန်ကုန်တက္ကသိုလ် ဒဿနိကဗေဒဌာန အချိန်ပိုင်းပါမောက္ခ ဒေါက်တာ လဲ့လဲ့ဝင်းက World Philosophy Day 2026 ၏ Theme နှင့်ပတ်သက်၍လည်းကောင်း၊ မန္တလေးအဝေးသင်တက္ကသိုလ် ဒုတိယပါမောက္ခချုပ်(ငြိမ်း) ဒေါက်တာမူယာက “Why Philosophy is needed for the culture” ခေါင်းစဉ်ဖြင့် လည်း​ကောင်း ဟောပြောကြသည်။

 

ယင်း​နောက်​ ကျောင်းသား​ကျောင်းသူများက စကားဝိုင်းကျင်းပခဲ့ပြီး အခမ်းအနားတွင် ပါဝင်ကူညီခဲ့ကြသူများအား တာဝန်ရှိသူများက ဂုဏ်ပြုလက်​ဆောင်များ​ပေးအပ်ခဲ့​ကြောင်း သိရသည်။

 

​အောင်မြင့်(ပြန်/ဆက်)

မူရင်းသတင်း — Myanmar Digital News