
ဥရောပမှ ထိပ်တန်းဘောလုံံးသမားများကို လစာများစွွာပေးချေပြီး ခေါ်ယူနေသည့် ဆော်ဒီပရိုလိဂ်တာဝန်ရှိသူများသည် ရီးယဲလ်မက်ဒရစ်တောင်ပံတိုက်စစ်ကစားသမား ဗင်နီစီယပ်စ်အား ရီးယဲလ်မက်ဒရစ်အသင်းတွင် ၎င်းရရှိနေသည့် လစာထက် (၁၀) ဆတိုးပေးပြီး ခေါ်ယူရန် အသင့်ရှိနေကြောင်း သိရသည်။
ဆော်ဒီပရိုလိဂ်သည် ပြီးခဲ့သည့်နွေရာသီကတည်းက ဗင်နီစီယပ်စ်အား ကမ္ဘာ့စံချိန်တင်ပြောင်းရွှေ့ကြေး၊ ကမ္ဘာ့စံချိန်တင်လစာဖြင့် ခေါ်ယူရန် ကြိုးပမ်းခဲ့ဖူးကြောင်း သိရသည်။
ရီးယဲလ်မက်ဒရစ်အသင်းနှင့် ချုပ်ဆိုထားသည့် ဘရာဇီးလ်လက်ရွေးစင်ကစားသမား ဗင်နီစီယပ်စ်၏ လက်ရှိစာချုပ်မှာ ၂၀၂၇ ခုနှစ်တွင် သက်တမ်းကုန်ဆုံးမည်ဖြစ်သည်။
ဗင်နီစီယပ်စ်သည် လက်ရှိတွင် ရီးယဲလ်အသင်း၌ တစ်နှစ်လစာ ယူရို(၂၀.၈၃)သန်းရရှိနေပြီး ဆော်ဒီပရိုလိဂ်က ယင်းလစာကို (၁၀)ဆတိုးပေးပြီး ခေါ်ယူလိုနေကြောင်း သိရသည်။
ရီးယဲလ်အသင်းသည် ဗင်နီစီယပ်စ်(၂၄ နှစ်)ကို စာချုပ်သစ်ချုပ်ဆိုရန် စီစဉ်နေသော်လည်း ဆော်ဒီကသာ မြောက်မြားသည့်ငွေကြေးဖြင့် ကမ်းလှမ်းလာပါက လက်လွှတ်ဖွယ်ရှိနေကြောင်းလည်း သတင်းထွက်ပေါ်နေသည်။