
လီဗာပူးလ်အသင်းမှ အင်္ဂလန်နောက်ခံလူ အာနိုးလ်သည် လာမည့်နွေရာသီတွင် ရီးယဲလ်အသင်းသို့ ပြောင်းရွှေ့မည်ဆိုပါက လက်မှတ်ထိုးကြေးအဖြစ် ပေါင်သန်း(၁၀၀) ရရှိမည်ဖြစ်ကြောင်း Daily Mail က ဖော်ပြခဲ့သည်။
အာနိုးလ်သည် လာမည့်နွေရာသီတွင် လီဗာပူးလ်အသင်းနှင့် စာချုပ်သက်တမ်းကုန်ဆုံးမည်ဖြစ်သောကြောင့် ရီးယဲလ်အသင်းက ပြောင်းရွှေ့ကြေးအလွတ်ဖြင့် ခေါ်ယူနိုင်မည်ဖြစ်ရာ ၎င်းကို လက်မှတ်ထိုးကြေးအဖြစ် ပေါင်သန်း(၁၀၀)ပေးချေသွားရန် စီစဉ်ထားခြင်းဖြစ်ကြောင်း သိရသည်။
ကမ္ဘာ့အကောင်းဆုံးနောက်ခံလူတစ်ဦးအဖြစ် သတ်မှတ်ခံထားရသည့် အာနိုးလ်ကို ခေါ်ယူလိုသည့် ပြိုင်ဘက်အသင်းများစွာရှိနေသလို၊ လီဗာပူးလ်အသင်းကလည်း လစာတိုးမြှင့်ပေးပြီး သက်တမ်းတိုးစာချုပ်ချုပ်ဆိုရန် စီစဉ်နေသည့်အတွက် ရီးယဲလ်အသင်းက မြင့်မားသည့် လက်မှတ်ထိုးကြေးဖြင့် မက်လုံးပေးဆွဲဆောင်ရန် စီစဉ်ထားခြင်းဖြစ်ကြောင်း သိရသည်။
ရီးယဲလ်အသင်းသည် တိုက်စစ်မှူး ဘာပေကို ခေါ်ယူရာတွင်လည်း လက်မှတ်ထိုးကြေးအဖြစ် ပေါင်(၁၀၆)သန်းဝန်းကျင်ပေးချေခဲ့ကြောင်း သိရသည်။
အာနိုးလ်သည် လစာအဖြစ် တစ်ပတ်ပေါင်(၅)သိန်းဝန်းကျင်ရမည်ဟုလည်း သိရသည်။